Poesie (Porta)/123 - Dolor de dent? on cazz che te bozzira!
Questo testo è completo. |
Carlo Porta - Poesie (XIX secolo)
123 - Dolor de dent? on cazz che te bozzira!
◄ | 122 - PER LE GABELLE E DAZI ESORBITANTI IMPOSTI DAL MINISTRO PRINA NON SI PENSA PIÙ A FOTTERE | 124 - 21 APRIL 1809 | ► |
Dolor de dent? on cazz che te bozzira!
Olter che maa de coo, che maa de gotta:
i hoo provaa sti dolor paricc dì in fira,
ma quell de dent, on corno che te fotta.
Ghe l’aveva tant fort l’oltrer de sira5
che hoo daa al Pader eterna del ballotta,
al sò fioeu incarnaa del ciribira,
e al spiret sant dell’usellasc de potta.
Oh sangua d’ona figa stravargada!
creà i ommen per dopo bozzaraj,10
l’è on’ideja ben matta e strambalada.
Ma el partend poeù par rest de la parpoeura
che s’abbia anch de lodaj e ringraziaj,
l’è on partend, razza porca bò e foeura.