Poesie (Porta)/11 - Per incoeu guarna pur via
 |
Questo testo è completo. | |
Carlo Porta - Poesie (XIX secolo)
11 - Per incoeu guarna pur via
| ◄ | 10 - Aala faa a ment Sura Madalenin | 12 - Capissi anch mì sur professor Ronchett | ► |
Per incoeu guarna pur via
i tò rimm, i toeu conzett
e ven chì a godè in cà mia
vun di solet festinett.
Te doo facc che mett legria,5
fior de ciapp, de spall, de tett
de imbrojà el coo a chi se sia
che dovess trà el fazzolett.
Sont sicur che te diree
che hin i Grazzi e i Mûs che balla10
suj bel praa del Pegasee:
ma el diroo forsi mej mì
a vedè che no ghe calla
el so Apoll, che te seet tì.