Poesie (Porta)/119 - Ve mandi el mè car pader Garion
 |
Questo testo è completo. | |
Carlo Porta - Poesie (XIX secolo)
119 - Ve mandi el mè car pader Garion
| ◄ | 118 - TRADUZIONE DALL'"INFERNO" DI DANTE Canto VII | 120 - Ah cristo cristo che mortalitaa! | ► |
Ve mandi el mè car pader Garion
la vostra tabacchera
e on tocch del vost Tobia
che avii desmentegaa jer in cà mia.
L’hoo visitada poeù in tutt i canton5
per vedè de trovà
quaj coss d’olter del vost, ma no ghe n’era:
de moeud che se mai fussev rivaa a cà
senza coo, credi ben de fav visaa
che l’hii perduu per straa.10