Poesie (Porta)/102 - IN OCCASIONE DEL SOLENNE TE DEUM CHE FU CANTATO DAI PRETI PER LE VITTORIE RIPORTATE DA NAPOLEONE
Questo testo è completo. |
Carlo Porta - Poesie (XIX secolo)
102 - IN OCCASIONE DEL SOLENNE TE DEUM CHE FU CANTATO DAI PRETI PER LE VITTORIE RIPORTATE DA NAPOLEONE
◄ | 101 - Sent Teresin, m'en s'eva daa anca mì | 103 - Otto sonetti beroldinghiniani contro i romantici | ► |
IN OCCASIONE DEL SOLENNE TE DEUM
CHE FU CANTATO DAI PRETI
PER LE VITTORIE RIPORTATE DA NAPOLEONE
Madrigale
Quand el s’è accort Gesù che in su la terra
cantavan i nost pret a tutt cantà
perché l’aveva in guerra
defes Napoleon patron de cà,
gh’eva ciappaa tant cald5
che Dia ne guarda se nol tegnen sald!
L’è nanca on’ora, el dis, che tucc costor
m’han pregaa in di secrett
de fagh trà l’ultem pett,
e adess canten per lu! birbi, impostor!10
E me serven inscì? pocch pocch me calla
a brusaj tucc cont la livreja in spalla.
Infin pensandegh su
el repia... Conven che ghe perdona:
se sa che dal pù al men la servitù15
già l’è tutta canaja bozzarona.