Poesie (Porta)/101 - Sent Teresin, m'en s'eva daa anca mì
 |
Questo testo è completo. | |
Carlo Porta - Poesie (XIX secolo)
101 - Sent Teresin, m'en s'eva daa anca mì
| ◄ | 100 - Sura Caterinin, tra i bei cossett | 102 - IN OCCASIONE DEL SOLENNE TE DEUM CHE FU CANTATO DAI PRETI PER LE VITTORIE RIPORTATE DA NAPOLEONE | ► |
Sent Teresin, m’en s’eva daa anca mì
che te sarisset stada già drovada,
ma desmettuda insta manera chì
no l’avarev creduu ona bozzarada.
N’hoo ciavaa di gran donn che fà stordì,5
ma ona figa pù larga e slavasgiada
de quella che te gh’ee in mezz ai gamb tì
me possen mudà el nomm se l’hoo trovada.
E sì che, quant a usell, sont persuas
che nessun possa mettem suggezion,10
e poeù basta dimá vardamm el nas;
ma per tì boeugnarav che un pover omm
el podess tirà a voltra di colzon
minga un usell, ma el campanin del Domm.