Poesias da divers Aucturs/3
 |
Questo testo è incompleto. | |
Autori vari - Poesias da divers Aucturs (1897)
Adieu!
| ◄ | 2 | 4 | ► |
Adieu!
Adieu pizza, tschel blau, chara stüvetta,
nativ paiais, o sancta vita alpina!
amò üna vouta adieu, patria diletta,
bella Engiadina!
Ell' ais sco ün trist exil la vita mia,
ma neir l'exil non pò da tai vi 'm tor
perch' eu qui saimper ha l'imagna tia,
viva nel cor.
Da città, da flurir d'eistra planüra
eu sentirà, raa invan, il tentamaint:
per tai sarà, fin cha la vita am düra,
l'impissamaint.
Tuot mi' amur, o patria mia, qui 't resta:
tuot ti' amur port' eu nel pet con mai.
Adieu! non larma angoschiusa o mcsta
hoz ha per tai,
Perchè la vusch, chi qui nel cor m'infonda
sco il sentimaint d'ün' ineffabla pasch,
ais vusch da Dieu, chi a meis giavüsch responda:
„tü tuornerasch!"
Strada (Engiadina Bassa), October 1885.
G. Luzzi, V. D. M.