Poesias II (Pallioppi)/6
 |
Questo testo è completo. | |
Zaccaria Pallioppi - Poesias II (1907)
Gallicius
| ◄ | 5 | 7 | ► |
Questo testo fa parte della raccolta Rätoromanische chrestomathie
| [p. 13] | Gallicius. |
Udì udì! la randolina chaunta:
„Eau sun l’utschè tramiss dal paradis,
Eau port amur, serenited als dis
E s-chatsch il fraid cun greiva not e launta.“
5 „Ma fo que stret, cha suot ün tol am tschaunta,
E sun eau be per ün splerin melvis —
Schi turnerò a pü beos amis,
Ch’ün utschein nun squitscha ne filaunta.“
Eir tü, reformatur dell’Engiadina,
10 Portettast glüsch e charited a nus,
Melodiand scu quella randolina.
Bandieu però, chalcho dalla famina,
Svolettast eir, o svoul delizius!
A tschêl per forza püramaing divina.