Poesias II (Pallioppi)/14

by Zaccaria Pallioppi

../13

../ IncludiIntestazione 21 marzo 2021 75% Da definire

Questo testo è completo.

Zaccaria Pallioppi - Poesias II (1907)

14

◄

13

Poesias II

►

Questo testo fa parte della raccolta Rätoromanische chrestomathie

[p. 41]

Cher courin, che plürast tü?

(Seg. üna chanzun bernaisa.)

Cher courin, che plürast tü, cridast tü, lagnast tü?
Cher courin, che plürast tü, cridast tü taunt zuond?
„Ah, impè d’ün bel tarat
Am trameglia be mieu giat;
5 E perquè stögl eau plürer e crider e lagner,
E perquè stögl eau plürer e crider taunt zuond!“
Cher courin, che plürast tü, cridast tü,

Cher courin, che plürast tü, cridast tü, lagnast tü?
Cher courin, che plürast tü, cridast tü taunt zuond?
„Ah, impè d’ün giuven rich
10 Tschüvla quour il vent taunt fich;
E perquè stögl eau plürer e crider e lagner,
E perquè stögl eau plürer e crider taunt zuond!“

Cher courin, che plürast tü, cridast tü, lagnast tü?
Che courin, che plürast tü, cridast tü taunt zuond?
15 „Ah, impè d’ün giuven fin
Tir il blöch da bel contin;
E perquè stögl eau plürer e crider e lagner,
E perquè stügl eau plürer e crider taunt zuond!“