Poesias (Sandri)/37
 |
Questo testo è completo. | |
| ◄ | 36 | 38 | ► |
Questo testo fa parte della raccolta Rätoromanische chrestomathie
| [p. 68] | 37. |
(Annalas XVII.)
Entra l’hom, dalum ch’el nascha,
In ün muond dad indürer,
Ch’el s’adüsa già in fascha
Ogni pain’a supporter.
[p. 68] 5 Sa carriera ais composta
D’ün torrent da passiuns;
Bain suvenz ais suottaposta
Eir a fer mutaziuns.
In l’eted del or, l’infanzia,
10 El nun so d’oters oggets
Co da quels, chi in sostanza
Sun da sieus ligers dalets.
Rivand nell’adolescenza,
S’ fo in el l’amur sentir;
15 Bun’o noscha conseguenza
Spess al lascha presagir.
Poi entro nel jugel stedi,
Guais e cruschs al vaun chalchand,
Gnand infaunts in sieu chasedi,
20 Zieva paun chi vaun clamand.
Fat ch’els haun ün po d’ creschida,
El digià scoler ils fo,
Aunch’intschert d’ la reuschida,
Chi dad els and sortirò.
25 As do taunt’inquietezza
E fadia per rasper
Ün po d’ roba u richezza,
Inavous per als lascher.
Ed infin nella vegldüna
30 Vain l’anguosch’a ’l sgomentir,
Ch’el nun ho tschertezz’ingüna
Cu be quella da murir.