Poesias (Sandri)/28
 |
Questo testo è completo. | |
| ◄ | 27 | 29 | ► |
Questo testo fa parte della raccolta Rätoromanische chrestomathie
| [p. 209] | 28. |
(Annalas XII.)
Sun containt adüna,
Sapchast, mieu amih,
Cha las chosas giajan,
Scu chi vöglian ir.
5 La melanconia
Zuond nu ’m do da fer;
A culöz per Dieu
Nun sè ’l muond piglier.
Eau stun aint a tuottas,
10 Scha’ m poss divertir:
Cun la compagnia
Sè fer spass e rir.
Sch’eau nun he monaida,
Schi che s’ vola fer;
15 Neir per la cuvaida
Nun vögl mel qui fer.
Sun aunch’uossa giuven,
Frais-ch sun e giagliard,
Nun he da ma vita
20 Chüra ne resguard.
Scha eau qualche voutas
Vegn disuordens fand,
Eau vegn bgeras voutas
La not spassegiand.
25 Tuot per bella vita
Fatsch que per avair,
Giand tar mias amias
Spess a las giodair,
Passentand urettas
30 Cun zuond grand dalet
Tar nossas giuvnettas
Cun fer inandret.
[p. 210] Da mia giuventüna
Vögl am profiter,
35 Fin ch’eau poss adüna
Aunz cu ’m marider.
Bod ün riv’avuonda
A gnir suot il giuf
Ed allur’as metter
40 In pissers e crusch.
Amis, stain allegers,
Taunt cha nus podains;
Ah, giodain la vita,
Fin cha nus l’avains.
45 Quatter dis aquia
Sun bod passos vi.
Minchadi vain saira,
Zieva darcho di.
Que ais güst tuottüna
50 E non güda zuond
Il piglier fastidi
Per ils fats del muond.
Tuot ais be chi brama
Fos’onur ed or;
55 Ah, la contentezza
Vela plü co l’or.
Cur cha l’ur’as prosma
Poi da nos murir,
Trais assettas d’ dschember
60 Vegnan a ’ns cuvrir.
Dad inguotta gnins
Sün la terr’e ’l mer,
E giains ad ünguotta
Darcho a turner.