Poesias (Sandri)/27
 |
Questo testo è completo. | |
| ◄ | 26 | 28 | ► |
Questo testo fa parte della raccolta Rätoromanische chrestomathie| [p. 261] | 27. |
(Annalas XII.)
Dall’amur sun turmanteda
Quasi saimper di e not,
Ma da tuots sun eau sbütteda
E non chat ingün cuffort.
5 O povra me, che dess eu fer,
Saj’ buzero l’amur, chi ’m do da fer.
Eau se bain, cha non sun bella,
Sun pero taunt pü da bain,
E non sun üna da quellas,
10 Chi ils mats saun clapper aint.
Ma tuottün’, o povra me,
Brich ünchün nun gniss per me.
Sun sincera, non sun fosa,
Se cun tuot bain m’adatter,
15 Ed he üna tscherta chosa,
Chi ils mats fo suspürer;
He ün cour tuot innozaint
Per via da que taunt inavaunt.
Ma nun poss pü ster uschea,
20 Eau sun stüfgia da languir;
Voless der ’na granda peja,
Sch’eau ün hom pudess survgnir.
Ah, mieu cour nun ais containt,
Sch’el nun vain our d’que turmaint.
[p. 262] 25 Eau sun ida taunt in faira
Per survgnir be ün snat d’hom;
Poss fer sü la buna saira
Oramai e ster sainz’hom.
O povra me, che dess eau fer?
30 Güsta sainza nun poss ster.
Pers daffat nun he la spraunza
D’and podair auncha survgnir;
Perche giuvna sun eau auncha
E qualchün po saimper gnir,
35 Giuven vaigd u fors’ün vegl;
Quel nun füss forsa taunt me
Sch’el ais trid, que nun importa,
Be ch’el saja inandret;
Sch’el ’vess eir las chammas tortas,
40 Be ch’el sapcha ster sü dret;
Ch’el sapcha bain ir a chantun
E d’qualchosa saja bun.
Nussas fragilas femnettas
’Vains taunt lönch dad indürer;
45 Quella moda stovess esser,
Cha ’ls pudessans dumander.
Usche pudessans sgüramaing
Ans marider plü facilmaing.
Ah, quaunt mê nu ’ns flissagiains
50 Eir da metter sün que tun,
E quaunt bger nun suspürains
Per survgnir ün bun baccun;
Ma tuot que cò nun po servir,
Cha cul buonder stovains murir.