Apri il menu principale
La bova

../6 ../8 IncludiIntestazione 26 febbraio 2016 50% Da definire

6 8

La bova.

(Nach Annalas, S. 81, 1906.)

Las auras setilan, ils nibels sezuolan,
Dal tun e cametg serebalza la val;
Las greppas sfraccadas semovan e sfuolan
Tras pegns e pignola e rumpan vial.
5 Las casas en prighel, la verda cultira;
Gia tschaffa la bov' e sballun' il rempar;
A tras la malaura il zenn, che suspira:
Il Segner nus gidi e vegli salvar.
En ferma caniala ils umens sefetgan,
10 Cun travs e cun tschemas encunter il vau,
Stustegnan la riva e battan e petgan,
Mantegnan lur fueina e spendran il prau.
Ils nibels secalman e l' aura rabiusa,
Mo enten cadeinas aunc sburfl' il dargun;
15 La patria defenda, la tiara greppusa
La bratscha valenta, il pugn dil Grischun.