Poesias (Nay)/5
 |
Questo testo è da formattare. | |
| ◄ | 4 | 6 | ► |
16*
Miu vitg nativ
. (Nach Annalas, S. 77, 1906.)
In agen vitg, miu vitg nativ
Leu sper la val Zavragia!
E fuss ei bucca miu igniv,
Cantass jeu scola sgagia
5 E smaladess il nausch rampun,
Il smanatschont e criu dargun.
Eis el vilaus, il ferm compogn,
Stremblescha la vallada:
Ils umens datan strusch damogn
10 De mantener lur prada,
Cu pegns e greppa tras il vau
Se derschan giu encunt' il prau.
En casas lenn la simpladat
Ei sco nigliu da casa:
15 Il pievel aunc en possa stat;
Discordia maina smasa
Il niebel gierm dils perdavons,
Ch' els han plontau en lur affons:
De star fideivel sin lur tratsch,
20 Sche ge 'l dargun smanatscha, —
Il tumeletg ei in pupratsch,
Lavur fa ferma bratscha —
E fas ti da sedomignar
Perfin cul prighel stos cattar.
25 Els ein ca gest dils pli mulai
Ils umens de cudèras,
Essend els buc vid vons disai,
Vid compliments, canèras.
Mo sils vischins sas sefidar
30 Sco sin in grep, sin in rempar.
Cheu has ti pia, bien amitg,
Er' mia derivonza.
Jeu hai scols umens de miu vitg
Confar e demanonza.
35 Jeu temel gnanc il nausch dargun
E mia pial ei scol carpun.