Gl' uaul

../2 ../4 IncludiIntestazione 26 febbraio 2016 50% Da definire

2 4

Gl' uaul.

(Nach Annalas, S. 201, 1902.)

Leu sin il crest paradescha gl' uaul
E quarcla la spund' e collina,
Ferma dustonza pils vitgs si egl aul
Encunter la bov' e lavina.
5 Mettan uricis dal vent leventai
Uals en fracass e canera,
Meinan ils pasters lu tut enguschai
El bostg, el segir montanera.
Brauncan nevadas ils loghens selvatgs,
10 Stenschentan la erva vanzada,
Vivan cavreuls e camutschs seretratgs
Egl uaul en fraterna mesada.
Leu en la selva sai jeu d' in pastgett,
Umbriva gli dat ina plonta;
15 Roma rasada formesch' in tetgett,
Merlotscha cheu sesa e conta.
Clara fontauna ramura tudi
E fa paterlond sia runda,
Ervas, faletga — sin cozzas vali
20 Sas ti sesamiar detg avunda. …
Truscla romusa cun legher tschupi
Sil di de Nadal fa parada,
Clom' a memoria il temps aschi bi
De mia affonza vergada.
25 Co il turnighel setschuat' egl uaul —
E tschaffa las tschemas, la roma,
Tun e cametg serebalzan egl aul
E sdreinan la ruvra en troma.
Span e debat se regheglian finfatg
30 Tiegl um er leu or' en la veta;
Quel mo, che batta per dretg e verdat,
Victoria e palma meretta.
Tschessa gl' orcan, sche sgolatscha bufatg
Gl' utschi petgalenn sin la tschema
35 D' ina plontatscha, sisum in fistatg
E marcla sil best, tut che fema.
Gleiti arrivan ils umens armai,
Ch' urentan la lenna madira,
Pegns e cavrida sestorschan blessai,
40 La resgia sedola e plira.
Forsa ch' in best ei tagliaus gest per tei,
Dat aissas per tia casetta.
Dulschs sei tiu sien cu la mort lu vonzei
Tschancuna il fil della veta.