Poesias (Nay)/21
 |
Questo testo è da formattare. | |
Giachen Michel Nay - Poesias (1903)
Il mat grischun
| ◄ | 20 | 22 | ► |
Il mat grischun.
(Nach Annalas, S. 317, 1915.)
Jeu vegn dallas montognas,
E sun in mat grischun,
Stoi ir per las pitgognas,
Fadiar miu paun el mun.
5 Co batt' il cor e plira
Sill' ura de partir.
Il montagnard engira,
Grischun rest' el segir.
E sun jeu ina gada
10 In um stimau, pussent,
Tei, tiara zun beada,
Enquerel jeu fervent.
Miu cor, miu cor suspira,
Mes quolms stoi carezar.
15 Il montagnard engira
Grischun vul el restar.
E cu la faulsch terlischa,
La mort vegn a spluntar,
Less jeu, ti tiara grischa,
20 En tei lu ruassar,
Sin tiu sulom, cultira,
Da quolms e crests tschinclaus.
Il mat grischun engira,
Mo leu eis el beaus.