Poesias (Carnot)/5
 |
Questo testo è incompleto. | |
| ◄ | 4 | 6 | ► |
Gratulescha a sesez.
(Nach Calender, S. 28, 1909.)
Tschunconta annadas,
Quei fuss de cantar!
Vegni, giuvenasters,
Nus lein giubilar!
5 Cun mia Romontscha
Sun jeu maridaus,
Tras neivs e bialaura
Cun ella viagiaus.
Quei bien signur Placi,
10 Ch' ha nus copulau,
Quel ei sin senteri,
Ha buca spetgau.
E tontas perdetgas
Cun flur e tschupi,
15 Selegran e saultan
Daditg buca pli.
Ah, quellas midadas!
Lu mava precis
In carr tras la tiara
20 Mo mintga otg dis.
Uss rocclan las postas
Traso tras il vitg.
Ch' ei sgolien tras l' aria
Quei va buca ditg!
25 Solet ina caussa
Vul mai semidar:
Il temps sillas rodas
Mai eri vul star.
Jer ha quella matta
30 Portau il tschupi,
Oz eis ella tatta,
Damaun buca pli!
Jeu mez sesmerveglel,
Con vegls che jeu sun;
35 Hai giu per ventira
Il megler patrun.
Lez meina las steilas,
Ils petschens utschals;
Quel muossa la via
40 Tras vitgs e tras vals.
Cun Diu vi concluder
Miu plaid giubilar,
Il maun buntadeivel
Ad el vi bitschar.
45 E ti? Sche ti vegnas
Dal Segner clamaus,
Stai bein! — Ed il Segner
Sei semper ludaus!
Igl onn quitordisch.