Poesias (A. Tuor)/8
 |
Questo testo è da formattare. | |
| ◄ | 7 | 9 | ► |
Ils paupers.
(Nach Annalas, S. 189, 1898.)
Gl' unviern ei liungs, gl' unviern ei freids, e spir puppir' o rasa,
Ils cuffels saultan entuorn las preits d' ina paupra veglia casa.
En stiva malsclarida stat tut la familia ensemen
La ser' en gronda paupradat e bab e mumma scheman.
5 Lur otg affons leu schain giun plaun e fom e freid endiran:
O bab, o mumma, dei fiug, dei paun!“ tuts greschan e suspiran.
E tut la bargi' ei senz' in len e vit' ei mintga trucca,
E leu ô suffl' ei schi terment, che tut la preit balucca!
La mumma ura ad in urar cun larmas sin la fatscha,
10 Ils affonts fruschan ad in furschar lur peis schi freids sco glatscha.
Cun mauns a Diu la poppa di en sia dultscha vuschetta:
„Stoi jeu da fom e freid murir, o bab, o mumma caretta?“
Il bab sederscha dad ésch ô, la notg ei freid' e stgira;
El quora schi dabot sco' l po, sin via malsigira;
15 Cun len' el dal lontan uaul pér la damaun arriva,
Silmeins per render in tec cauld, teviar la freida stiva.
Mo avon cas' ei schon per peis, in policist sevilla:
„Tgei giavel, co vus respecteis la lescha
forestilla!“
Il pauper bab, el vegn tgisaus avon il stregn derschader,
20 Cun vusch solemna condemnaus sco delinquent e lader,
Ils gronds surpassan bein savens bia leschas d' impurtonza,
Gudend malgrad lur fallaments, deletgs, honurs, pussonza;
Ils pigns, denton, per pauc entiert survegnan brav la torta,
Caluster, tucca spèrt de miert: ach, la giusti' ei morta!