Poesias (A. Tuor)/29
 |
Questo testo è da formattare. | |
| ◄ | 28 | 30 | ► |
Rabius.
(Nach Annalas, S. 139, 1901.)
In cant en ti' honur entscheivel,
Miu vitg natal.
Ti eis il vitg il pli plascheivel
De tut la vall.
5 Co schais sin spunda solegliva
Bein de smervegl
Gl' unviern ê bauld tier tei arriva
Il car solegl.
Sch' ei brischa, ein la stad entira
10 Schuai tes praus,
Quels dattan cu ei fa schitgira
Er' detgs canvaus.
Atras tei legramein semeinan
Dus reins carins.
15 Sper els da di e notg scadeinan
Zaconts mulins.
Pumèra bracc' ed aulta crescha
En tiu contuorn.
Cun finas pumas emplenescha
20 Plantiu e fuorn.
O vitg sin la pli biala spunda
De tut la vall,
Tei saiel mai ludar avunda,
Miu vitg natal.
25 Jeu sentel mo in desideri
Ad in sentir:
Dieus laschi mei sin tiu senteri
Durmir, durmir.