Poesias (A. Tuor)/28
 |
Questo testo è da formattare. | |
| ◄ | 27 | 29 | ► |
L' affonza.
(Nach Annalas, S. 137, 1901.)
Svanid ei noss' affonza
Navent sco ina flur.
Mai ella pli retuorna
Cun sia terlischur.
5 Savens plein da tristezia
Lamentan ils carschi,
Affonza, car' affonza,
Ti tuornas mai na pli!
Nu' ei uss l' innocenza
10 De nos pli giuvens ons,
Che nus perfin rendeva
Als aunghels semiglionts?
Daditg havein nus paupers
Piars il vestgiu schi bi:
15 Affonza, car' affonza,
Ti tuornas mai na pli!
Gl' entir di sesanflavan
Schi leghers e cuntents:
Gl' entir di mo gudevan
20 Deletgs e legherments.
Uss da quitaus e temas
Nos cors ein empleni;
Affonza, car' affonza,
Ti tuornas mai na pli!
25 O co nus schein encrescher
Encrescher ton per tei!
Sche ti mo ina gada
Turnasses aunc puspei!
Mo ti s' allontaneschas
30 Pli fetg da di en di:
Affonza, car' affonza,
Ti tuornas mai na pli!