Poesias (A. Tuor)/23
 |
Questo testo è da formattare. | |
| ◄ | 22 | 24 | ► |
Ina sera de stad.
(Nach Annalas, S. 223, 1898.) …
Il terlischont solegl ei stézs,
Tut en umbriva schain ils pézs.
Mo ina nebl' el fiug stuliu
Brisch' aunc adina sc' in burniu:
5 Ave Maria!
Ils … muvels aud' ins bein e clar
Aunc dallas alps a bransinar,
La tiba sun' in paster prest
Aunc dalla vall giu sin in crest:
10 Ave Maria!
Da la campagna, la lavur,
A casa tuorn' il steunchel pur:
Turnond, el aud' aunc co' ls utschals
Repetan lur davos chorals:
15 Ave Maria!
Las steilas vegnan a sbrinzlond
… El firmament schon neunavont:
Ruaus festiv, ruaus profund,
Cuviera gleiti tut il mund:
20 Ave Maria!
Carstgauns semettan a ruaus
Tut emblidond lur grevs quitaus,
Mo tras il stgir rebatt' il zen,
Figiend a tuts aunc endamen:
25 Ave Maria!