Poesias (A. Tuor)/10
 |
Questo testo è da formattare. | |
| ◄ | 9 | 11 | ► |
L' emprema flur.
(Nach Annalas, S. 201, 1898.)
Veseis, leu catscha
La flur il tgau
Ord neiv e glatscha,
Leu sin quei prau?
5 Veseis la stender
Siu tgau ad ault,
Per quen serender
Sch' ei sei stagn bauld?
„Ai, tetgs e spundas
10 Ein schon terreins,
E sut las grundas
Verdegian feins?“
„Fagugn semuenta
Schon tras la vall,
15 Quel spèrt carschenta
L' au' egl ual!“
„Oh, la paréta —
Stupent pilver!
Per mia, veta
20 Dei aunc
temér?“
„Prest fan parada
Aunc autras flurs,
Spendend sin prada
Cheu tschiens odurs!“
25 „Ils funs da nozzas
Lur' ein vestgi,
Cun raras cozzas
Sco surcusi!“
Cun tgei fidonza
30 La flur sil prau,
Cun tgei speronza
Ell' aulz 'il tgau!
Mo neiv cuviera
Puspei ils funs,
35 Ed ella miera
A funs, a funs.
Ach, cheu sur ura
Va mintgatont
Bia a malura
40 Che vegn sperond.