Poesias (Sandri)/24
 |
Questo testo è completo. | |
| ◄ | 23 | 25 | ► |
Questo testo fa parte della raccolta Rätoromanische chrestomathie
24.
Chanzuneta intituleda: Dispita tanter duas matans.
| [p. 75] | (Annalas VII.) |
Tar.: Pü bod ch’eu ’l hé contschieu
Et aunz co vus puchá
Perche el ’m ho plaschieu
Et ho mieu cour piglò.
Mar.: Pigló cha tü ’l hest uossa
Schi gnid’est memma tard,
Siand cha eu lönch bricha
Nu ’l lasch dad üna vart.
Tar.: Tü melprüveda trida
Que co nu poust tü dir,
Poch es ch’el ’t ho contschida
E gnaunch’at po sufrir.
[p. 76] Mar.: E tü tant bain . . . . . . .
Cha ’l nun at po ster our,
Nu ’t voul havair daspera
Taschair aeint in sieu cour.
Tar.: Tü hest ’na buocha largia,
Da schimgia hest visiun,
Est melna scu mustarda
E naira scu ’l cravun!
Mar.: O chevra melprüveda!
Pür ’t lascha sün tia sort
Ün gorsch scu ’na pignela,
Ün nes sco ün chaz rot.
Tar.: Schi ’m est ’na bella rösa
D’üna fraischa colur,
Ils mats van zieva l’ösen
Da la noscha savur.
Mar.: Tü bella tulipana,
Tü taunt savurast bain,
Poust ster in tea chamanna
Ch’ingün per te nu vain.
Tar.: Scù’ n giat inamureda
Almain nu sun sto sü
Est narra daspereda
Scha cragiast d’al claper sü.
Mar.: E tü sün quella spranza
Stó pür d’at marider
Sofrind ch’el at snarainta
Cun brav sü’ t starschiner
Tar.: Megl ais ch’el am starschina
Almain paress a mi
Cu ch’el sül gnif am sgrigna
Sco saimper fo’ l cun ti.
[p. 77] Mar.: Tü nun hest taunta gniffa
O na d’am fer lascher
Scha tü vainst suot mas grifflas
Vgnaregiast a pruver.
Il marus:
Olà cuaint in stüva
Chi ais chi lagna taunt?
Curi da bod figüras
Dalun lasche ’m ir aint.
Chi ’s ho clamedas quia
A gnir a fer fracasch?
It pür per vossas vias
E’ s turpiai da voss fats.
Vus melprüvedas femnas
Che diavels eschet vus?
Nun ’s dé ingüna temma
Eu nu ’m impach da vus!