 |
Questa pagina è ancora da trascrivere o è incompleta. | |
| — 93 — |
(*) FRAMMENT DEL CANT QUINT
Dal primm sere de sto gran pedríceuron
Son calaa giò adrittura in del segond
Che l’è pu strenc del primm, ma, di mincion!
La mamma de l’asee1 l’è giust sul fond:
Chi gh’è Minoss in toga e collaron
Che sentenzia chi ven de l’olter mond,
E ch’el manda ognidun per la part seva
Segond ch’el se intortía adoss la cova.
Vui mò dí che Minoss con el so ingegn
El ved tutt i peccaa de quij meschin,
E dopo con la cova el ghe fa segn
D’andá dove je porta el so destin,
E la eoa la ghe serv come l’ordegn
Ch’han piantaa, adess ch’è poech, sui Campanin2;
Cunten i voeult che líi el se sercia sii,
E tutt i voeult vann giò on basell de píi.
De sta povera gent d’ora e strasora
El ghe n’ha denanz semper on basgioeu3,
De moeud che noi porav trova ’l quart d’ora,
Sei ghe n’avess bisogn, de fa i fatt soeu;
E lí botta e risposta, e fora fora
Giò per la gran pignatta di fasoeu:
Ma quand Minoss l’ha guardaa in motria a mi
El pianta lí el mestee per dimm insci:
- ↑ mamma de l’asee: la feccia, il fondigliuolo dell’aceto. (Nota transclusa da pagina 101)
- ↑ Allude ai telegrafi aerei, a segnali, posti sui campanili (ra Parigi, Milano e Venezia nel periodo dal 1803 al 1810. (Nota transclusa da pagina 101)
- ↑ Iwtgioeu: stuolo, frotta. (Nota transclusa da pagina 101)
