Pagina:Porta - Poesie milanesi.djvu/311


Gh’hoo a’ ficc del Tass invera Gerusalemm
Vertun, Cerer, Pornona, Tritolemm1
Ghe stronzonen2 insemm;

La sta de mi, d’on me comandament,
L’avegh quand vuj, o acqua, o succ, o vent.
Che ghoo ami 8 on spavent

De Ninf pissonn, capazz, se la ven fada,
De fa on deluvi cont ona pissada;
E sont tutt camerada

D Eoi, re de cert vent razza de can
Che boffen come el pròs3 di (ranzescan.
Se mai quai tolipan

El me secca la bòzzera e el me sgenna,
Ven vohra Momo4, ch’el me le peccenna5
Fina in fond de la s’cenna,

E s’el scalza, s’el mord, e s’el repetta,
Ciammi Nemesia6 e foo la mia vendetta.
Se me noeus la bolletta,

Plulo pietos, el rè di Tesoree,
El dessotterra on olla de dance
Sconduda i temp indree,

E pliff, e plaff me je sgandolla lí
Che le ona maraviglia de stordí.
Se vuj intenerí

El coeur de tigher d*ona quaj valdrappa7,
fa sta a post quaj vergine cillappa,
De quij che iiuiga e s’cappa,

Ghoo el dio Netun che me sbaratta el mar
E me lassa toeú sii quell che me par,
Perla bej, gross e rar,

Coraj stupendi, de fa moeuv perfín
1 balzann impiombaa di sottannin
Di damm del bescottin8.

  1. Vertunno, dio dei giardini ; Cerere, dea delle biade ; Pomona, divinitá dei frutti; Tritolemo, al quale Cerere insegnò l’arte di coltivare la terra. (Nota transclusa da pagina 324)
  2. stronzonen : sinonimo di struggioná, struggersi nelle fatiche. (Nota transclusa da pagina 324)
  3. pròs =: podice. (Nota transclusa da pagina 324)
  4. Momo, censore delle azioni degli dei e degli uomini. (Nota transclusa da pagina 324)
  5. peccenna : pettina a dovere (Nota transclusa da pagina 324)
  6. Nemesia dea della vendetta. (Nota transclusa da pagina 324)
  7. valdrappa : gualdrappa, e in senso traslato donna ad arte recalcitrante. (Nota transclusa da pagina 324)
  8. damm del bescottin : consorzio di pie Signore dedite alle opere di pietá e beneficenza, fondato presso la chiesa parrocchiale di S. Alessandro in Milano, dette cosí, dai biscottini che distribuivano nelle visite agli ospedali. (Nota transclusa da pagina 324)