 |
Questa pagina è ancora da trascrivere o è incompleta. | |
Denanz, e giust in mira al me porteli,
Gh’eva in mezz a la strada on’oltra ombría
Che, insci per famm legría,
La pestava sui prej cont on tarèll1.
£1 sarav staa el me cas
De rebatt cont i gnocch2 |a prepotenza,
Ma inscambi hoo usaa prudenza,
E hoo faa sto sagrifízi per la pas.
Tutt inutel però, che, in de quell menter
Che ghe molli on sghimbiett per scappa in ca,
Me sont sentuu a ciappá
Sul porteli, mitaa focura e mitaa denter;
E lí coi pee in del cuu.
Tal e qual seva, insci a gatton sui sast.
Me fan desgorgá el pass
E vegnen dent in cort anca lor duu.
— Oh pover mi! Signor! La vita in don, —
Sbragiava a tutta vos del pè di scarr,
E lor, adree ai mee sgarr,
Ciò insci a l’orba pesciad, legnad, sgiafion:
ln6n compar on lum;
1 lobbi se impienissen de sabètt,
E quij, senza dí on ett,
Ciappen a gamb la porta, e van in fum.
La Tctton, che me ved a compari
Tutt sporch, tutt rabuffaa, tutt sanguanent.
La va in tanto spavent.
Che ghe ciappa i dolor del parturi,
Ghe solta i conversion.
Che la sguizza sul lece come on’inguilla,
D’ave de fa a tegnilla,
E de gionta, deliqui e strangojòn3.
- ↑ tarèll: grosso e nodoso bastone. (Nota transclusa da pagina 286)
- ↑ gnocch: pugni. (Nota transclusa da pagina 286)
- ↑ strangojòn: nodi alla gola. (Nota transclusa da pagina 286)
