 |
Questa pagina è ancora da trascrivere o è incompleta. | |
Alto lí, allon, l’è deciaraa la guerra!
Daj, redaj, para, pia, messeda, tira,
Pugn e pesciad de lira,
Reussissem tucc trii col cuu per terra;
Ne riva adoss infin
De quatter o cinqu turch pesg che ne mi,
Gendarma vestii insci.
Che ne menen de slanz in camarin.
Lí, on bravo respettor, grazios, compii,
El scolta di dò part tutta la scenna,
E poeti con pás l’ordenna
De tira via i mascher a tutt trii.
Me drizzi allora in pee
Per vardalla on poo mi la porconon
A desquattá el faccion,
E, disii mò, fioeuj?... l’è minga lee....
Ah providenza! Ajutt, coss’hoo mai faa!
Ghe domandi perdon, confessi el fall,
Ghe schisai1 mendall
Magara a tutt danee, s’han volentaa;
Piangi e preghi, de sort
Che se giusta tusscoss; fceura che mi
Bceugna che staga lí
Per la reson del manda su el ripport.
Scoltee mò adess, fioeuj, cossa che nass,
E vardee, quand se dis di coss del mondi
Quell respettor, che in fond
L’èva on bon pastorott, on persegh lass2,
Vedend che in de quell loeugh
Sarev geraa del frecc, el me toeú su
Sott brasc, lu come lu,
Per menamm in quarter coi guardi, al foeugh.
- ↑ sebissi: esibisco. (Nota transclusa da pagina 284)
- ↑ persegh lass: pesca spiccia. (Nota transclusa da pagina 284)
