 |
Questa pagina è ancora da trascrivere o è incompleta. | |
Ma lallèla! inanz riva
Ghe n’è staa de la gran luna,
Hoo insci avuu de sospira
Per godella sta fortuna.
Basta adess, cara baciocch,
El begliett l’è chi con mi,
L’hoo leggiuu, e basaaa a di poch
Milla voeult, stagliela li1.
Di begliett, varda, n’hoo vist,
N’hoo portaa di milion,
Ma pareli compagn de quist
No sen scriv nanch di patron.
Che paroll! quist si consolen;
Quist chi si ch’hin naturai!
Hin li li pròpi che scolen
Giò d’on cceur s’cett e lejal;
Fina lá, dove per via
De la Togna te moccolet2,
Barborin, te sèe ona strja,
Te me sponget e consolet.
Ma voi, varda, sta pur franca,
La pò fann de tucc i stee3,
Ma la Togna la vuj nanca
Caregada de dance.
Si l’è vera, la me cura
Sul repian4 quand vegni a cá,
E di voeult anch la procura
De tegnimm li a ciociara.
Ma l’è inutel, giá stoo su,
Che i vesin tei poden di ;
S’ciavo, alegher, tutt al pu
La saludi, e tendi a mi.
- ↑ stághela li: né piú né meno. (Nota transclusa da pagina 232)
- ↑ moccolet: ti lamenti. (Nota transclusa da pagina 232)
- ↑ de tucc i stee: di tutte le staja = di tutti i generi. (Nota transclusa da pagina 232)
- ↑ repian: pianerottolo. (Nota transclusa da pagina 232)
