 |
Questa pagina è ancora da trascrivere o è incompleta. | |
Hin el gran ciallonismo di mari
De lassass mena a vóltra per el nas
(E chi el vardava fiss in faccia a mi)
Dai miee, e lassagh fa quel che ghe pias:
Spés sora spés, senza vardass dintorna
Se vegnen da la guggia, oppur dai corna.
Hin la golascia, la leccardaria
De sti operari, de sti mezz-camis:
In cá miseria, raccol1, calestria,
La baldoria in di boeucc2 in di bois3;
Ciocch sora ciocch, robba, danee, temp persi
(E zonfeta on’oggiada per travers).
Hin la birbada de lassa i fíoeu
In strusa per i straa, per i pasquee,
A fa l’ozios, el tóff, el borsiroeu,
Senza dá a ment se biggen el mestee4,
Se van a messa in festa e a la dottrina....
(E li traffeta on’oltra lampadina)5.
Hin quell’oss in la s’cenna, qui] bosij,
Qui] córs6 in sui fattur, in su la spesa,
Quel pettá i vizi a caregh di lo5Ugh pij,
Quel godegh tutt a gratis a la gesa.
Quel dí maa di patron tutt quant el dí....
(E li ^aj! quij duu oeucc adoss a mi).
Hin l’ardiment de sti spantega-strasc
De toeunn7 nun pret per gent come se sia,
De tira el nost tabacch con quij didasc,
De settass giò a descor in compagnia....
Balossi.... porci.... malcreati.... infamm!...
(Acqua! sta voeulta l’ha volsuu bisiamm)8.
Ah fiol d’ona negra! adess capissi
(Dighi in del coeur) con chi el parla sto can:
Me se s’ciara el cerve! ; me secudissi9,
Pesseghi a alza del scagn el fabrian,
E polid si, ma franco, ma dannaa,
Te ghe respondi in sta conformitaa:
- ↑ raccol: contese. (Nota transclusa da pagina 180)
- ↑ bceucc: propriamente buco; in gergo, bettole. (Nota transclusa da pagina 180)
- ↑ boís: rosticcerie dove si consumavano le vivande ivi apprestate. (Nota transclusa da pagina 180)
- ↑ senza dá a ment, ecc. : senza osservare, vigilare, se marinano l’opificio. (Nota transclusa da pagina 180)
- ↑ lampadina: in gergo, sbirciata. (Nota transclusa da pagina 180)
- ↑ cors: falcidie sulle fatture riscosse, ecc. (Nota transclusa da pagina 180)
- ↑ tceunn: tenerci. (Nota transclusa da pagina 180)
- ↑ bisiamm: pungermi (come fa il tafano o la mosca). (Nota transclusa da pagina 180)
- ↑ me secudissi: mi riprendo. (Nota transclusa da pagina 180)
