 |
Questa pagina è ancora da trascrivere o è incompleta. | |
| — 138 — |
Ma per lassa de banda l’ironia
Che no l’è piatt per lee, madamm Bibin,
Ghe diroo che interess de poesia,
Se no ghè del giudizzi in del coppin1,
I regol faran mai nagott de drizz,
Che la forma no fa el bon del pastizz.
Certe regol hin anzi come el bust,
Coi stecch de fèrr, de tarlis2 doppi in spiga,
Che tante mamm, credendes de bon gust,
Metten sii ai so tosann per fai sta in riga;
Ghe fan dá in foeura el cuu, la panscia indenter,
E ghe rescien tutt la peli del venter.
Insci, madamm, col bust di so unitaa.
Se rescía i temma, se stringa l’azion,
Deventa tutt coss suppa e pan bagnaa;
Se streng, se imbruga3 l’immaginazion,
E el camp de la natura, insci spazios,
El va tutt á forní in d’on guss de nòs.
Insci per strengegh sii in vintiquattror4
On fatt, che noi pò stagh in quel pocch spazzi,
O gh’el sciabelen giò de guastador5,
O gh’el fan canta su come el prefazzi6,
Con de quij soliloqui de repezz.
Che fan poeíi pari on ora on mes e mezz.
E si, madamm Bibin, che dal moment
Che tre ór ghe sommejen vintiquatter,
La podarav mo anch comodament
Mett de part el penser d’ess in teatter,
E figurass inscambi de passann
Trenta, quaranta, on més, magara on ann.
Perchè, se in d’ona fiasca d’on boccaa7
L’è assee brava, madamm, de fagh sta dent
Mezza zajna8 de pú del mesuraa,
La pò anca vess capazza istessament
De faghen sta ona brenta e, s’el ghe par,
Magara el lagh de Comra, magara el mar.
- ↑ coppia: propríamenle lignifica nuca, qui uiato per testa, cervello. (Nota transclusa da pagina 147)
- ↑ tariit: traliccio. (Nota transclusa da pagina 147)
- ↑ te imbruga: reciderli, tarparti (Nota transclusa da pagina 147)
- ↑ viatiquattror: secondo le regole degli Arittotelici l’azione delie tragedie doveva restringersi ai fatti occorsi entro il periodo di ventiquattro ore. (Nota transclusa da pagina 147)
- ↑ gh’el sciabeien, ecc.: glielo stroncano come farebbero i guastatori con sciabolate. (Nota transclusa da pagina 147)
- ↑ prefazzi: il Porta paragona i Cori delle tragedie ai prefazl, cioè a quella parte della Messa, specialmente nel rito Ambrosiano, dove con movenza lirica si ricordano i fasti del Santo o il Mistero celebrato nella liturgia del giorno. (Nota transclusa da pagina 147)
- ↑ boccaa: fiasco della capaciti di un boccale: il boccale dividevaii in quattro zaine. (Nota transclusa da pagina 147)
- ↑ zaina: quarta parte del boccale. (Nota transclusa da pagina 147)
