Questa pagina è stata trascritta e formattata, ma deve essere riletta. |
GELOSIA, CORRUCCI, RICONCILIAZIONE | 293 |
Quannu ti metti ssu mantu a culonna,
Tu ti cridi ’na Ddia e si’ ’na signa1. (Alimena).
*
286. Vattinni ora di ccà pupu ’i linazza,
Di chiddi chi su’ ccà si’ la munnizza;
Ca quannu ti nni scinni ’nta la chiazza,
Li corna cci li porti pri billizza;
Va dicci a tò matruzza chi t’ammazza,
Ca pappa e nninni2 cci appizzau e cci appizza.
(Bagheria).
*
287. Bedda, a lu tò jardinu cci haju statu,
Mi Thè pigghiatu li spassi e piaciri;
Di punta ’n punta Fhaju fìrriatu,
Gei sunnu belli cosi di vidiri.
E di li frutti to’ nn’haju manciatu,
Prunidda e varcuchedda damaschini;
’Na troffa di cutugna cci he lassatu,
Cu’ veni appressu si Filavi a cugghiri3. (Palermo).
- ↑ Signa (fr. singe), scimia.
- ↑ Il pappo e il dindi, di Dante. Altrove si canta:
Làidu pupu vistutu di pezza,
L’omini comu tia sunnu munnizza;
L’omini comu tia sunnu la fezza:
Diccillu a tò matruzza chi t’ammazza.
In Cianciana:
Laiddu tuttu, pupu di linazza,
L’omini comu tia sunnu munnizza;
Vidi si cc’è quarcunu chi t’ammazza
Lu vidi ca si’ lentu di la pizza.
A tutti cosi cci voli la forza,
Macàri a lu ’ncarcari di la mazza. - ↑ Sulla cotogna in questo senso, vedi a p. 61, nota 1.