Le mercadant da ćiavai
 |
Questo testo è da formattare. | |
Le mërcadant da çhiavai
'Ǹ mërcadant da çhiavai â meffo gonót la desgrazia, ch' ël i 'ǹ morî. Süa fomena dunca le reŝiava vign' ôta ch' ël i 'n moriva uǹ. A la fin diŝla tüt con les bonnes: "Vè, mi óm! Teu ne t' eǹ intënes teu de çhiavai. Te compres demà de tä burtg çhiavai da la vita lungia e da le còl sotti; chi ne vè nìa ëi; t' eǹ mësses comprè de tai da 'ǹ bel col gròs, e da la vita bella cürta."
Seu 'ǹ quëst va le mërcadant e eǹ compra indò uǹ ch' i meur int' ott[e]dé.
Desëiǹ scomënćia la fomena a le reŝié plü che mai. Mò ël i da questa resposta ël: "Vè, fomena! Questa óta hai mó vorü stimé a té jeu. T' has peu dit, ch' jeu desse comprè çhiavai da 'na bella vita cürta; quëst l' ha pa bëiǹ avüda cürta assà ël.“