Le medemo và na ota a Roma e pëtla n corp sant
 |
Questo testo è da formattare. | |
Le medemmo va 'na óta a Roma e pëttla 'ǹ corp sant
Le medemmo va 'na óta a Roma e pëttla 'ǹ corp sant, ch' ël porta a çhiasa per vënne. Arrivé ch' ël ê a çhiasa coǹ quest corp sant, le pietl óra a questa comunité, óra a 'ǹ atra; mó degügn n' â graǹ veuja de le comprè, perçhi ch' ël damanava plü tost treup. Inquandenò le compra la Curazia [de] S. M. e se le feŝ portè. Le dé, ch' ël dô vegnì inpàra, i va le Curat de le lüeg incuntra iǹ fiǹ a Ped[e]rova, olà ch' ël ê 'na osteria. Ël se dá, ch' ëi s'incuntra meffo bel davant a quest' osteria, olà che el pelegriǹ palsava 'ǹ püc coǹ so corp sant. Subit che le Curat le vëiga, diŝl: "O, vì mó uǹ püc t'osteria, ch' jeu t' ó pa paÿé l' ägua de vita." Aǹ ha da savëi, che quest pró fô per atr plü tost avare, e ch' ël i plaŝova plü a tó ch' a dè. Quanche nost pelegriǹ ha bevü quest' ägua de vita, diŝl: "O, quëst é pa le prüm miraco, che quest sant [h]a fat ël."