Le medemo â le viz de bëire n pü' tröp
 |
Questo testo è da formattare. | |
Le medemmo â le viz de bëire 'ǹ pü' treup
Le medemmo â le viz de bëire 'ǹ pü' treup, masŝima spò ch' ël ê gnü vedl. Süa fomena le reŝiava gonót dè de quëst, e diŝòva, che ŝ' ël continuâ a fa quëst mestier, n' avrai tost plü nìa inte çhiasa, e messerà ĝì col carnì. Mó tüt quëst ne ĝioava nia. Infiǹ a tant ch' ël â de sü groŝ, se mangiavel via chi a l' osteria, e spò che quiŝ fova finis, mettovel maǹ d' i 'ǹ tó inçhie a la fomena.
'Na óta, che questa fomena s' â vadagné çhize pü' de groŝ coǹ ĝì a seŝorè, ne savôla meffo olà i ascogne, acćioche l' om n' i robass. A la fiǹ i tomel ite d' i mëtte inte süa cassa e de mëtte na cruŝ benedida lassura. Ëlla s' eǹ ê a pëna fora de çhiasa, che l' om scomenćiava a chirì inte la cassa. Ël ćiaffa dunca i groŝ con la cruŝ lassura. Desëiǹ, se pënsel, voi pa odëi, çhì che questa cruŝ pò, e mëtt maǹ a se tó i groŝ. De tant ch' ël s' i tolô, diŝòvel: "Pàrete cruŝ, pàrete cruŝ!", mó la cruŝ ne se parava, e insceu se tolel i groŝ e s' eǹ va a l' osteria.
Quanche la fomena gnê, e ne ćiaffava plü sü groŝ, pittavela e le slomenava. Mó ël diŝ: "Vè, mia fomena! J' ha bëiǹ dagnóra dit: pàrete cruŝ, pàrete cruŝ!, mó la cruŝ ne s' ha meffo parè ëlla, dunca m' i hai tut jeu.
" Seu 'ǹ quëst va la fomena a l'accusé prò le Vicare. Le Vicare le feŝ comparì dant a sè e te m' i da 'na dërta romonada.
Quanch' ël ha finì, diŝ le boadù: "Odé, nobl Signur Vicare, jeu suǹ vedl e 'ǹ püc de valq mëssi bëire." - "Ŝe", diŝ le Vicare, "un tal che vos dess bëire coǹ les alçhies ël." - "O nobl Signur Vicare", respogn le vedl, "ŝe mia fomena 'ǹ orova uǹ che bevess coǹ les alçhies, ŝe dovela tó 'ǹ alcuǹ."