Landwirtschaftsregeln (IV)
 |
Questo testo è completo, ma ancora da rileggere. | |
| ◄ | Sprichwörtliche Formeln | Kinderlieder (IV) | ► |
Questo testo fa parte della raccolta Rätoromanische chrestomathie
Landwirtschaftsregeln
(Vgl. Bd. II S. 679.)
- 237. Daniev buriu, mira tier il tiu.
- 238. Bien Favre, schliatta primavera.
- 239. Plievia de Favre engrascha sco la ghela dil lidime.
- 240. Biall’aura sogn Fridolin baul cargar ad alp.
- 241. Il luft de sogn Benedetg trai entochen Nossadunna Fenadur.
- 242. Il luft de sogn Benedetg trai toca sogn Marc, quei de sogn Marc toca sogn Gion e quel sogn Gion regia tutta stad.
- 243. Il luft de Nossadunna Mars regia entochen Nossadunna Fenadur.
- 244. Sch’il Mars fa Avrel, fa gl’Avrel Mars.
- 245. Bia flurs igl Avrel, paucas tschareschas el begl.
- 246. Sgolan las flurs tscharsche egl suolc, eis ei uras d’arar.
- 247. Sche las rusnas dellas talpas ein aviartas la primavera, dat ei ina frestga stad.
- 248. La fava sto ins semnar de bletsch, il graun de schetg.
- 249. Buna plantada, recha fenada.
- 250. Rugada de Matg, bischa de Mars e plevia d’Avrel valan in car d’aur cun rodas et ischel.
- 251. La primavera ei la stadera.
252. Plova ei Anzeinza, dat ei buca tschereschas.
253. Bia plievia il Matg, bia paglia e pauc graun.
254. Matg schetg, bia fretg.
255. Il Zercladur ha trenta gis e pluess ei trent’in fagess ei don a nagin.
256. Bargir de zerclar e rir de meder.
257. Beschlan las nuorsas fetg, cu ei van ad alp, dat ei ina rucha stad.
258. Sogn Gion e sogn Gion spartan igl onn.
259. Sco ils dis tgaun van anen, van ei ano.
260. L’aura ei il meglier luvre.
261. Sogn Luregn pren e dat [il risdiv].
262. Sogn Michel va culla marenda.
263. Cu las schualmas van avon sogn Martin, dat ei in ruch unviern.
264. In clar sogn Martin, in ruch unviern.
265. La stad sogn Martin cuoza treis gis e pauc dapli.
266. In bletsch atun, in bien onn.
267. La neiv dil Dezember cuoza igl entir unviern.
268. Ils dudisch dis suenter Nadal duhtegian l’aura dils dudisch meins.
269. Vesa ins musteilas cotschnas, vegn ei biall’aura.
270. Vesa ins musteilas alvas, vegn ei neiv.
271. Cu las uolps uorlan, vegn ei macort’aura.
272. Schulan ils utschals fetg la sera, eis ei ina enzenna de macorta aura.
273. Schulan ils grels fetg la sera, eis ei ina enzenna de biala aura.
274. Cu la cazola fa brastga, ei ina enzena de macorta aura.
275. L’aura della domengia regia l’jamna.
276. Venderdis aura de persei.