L'ura mia es rivada
 |
Questo testo è completo, ma ancora da rileggere. | |
| ◄ | Vus femnas qui chi stais | Sü e taschans baiver | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
100.
(Annalas VI, Derin, p. 43/44.)
L’ura mia es rivada
Ch’eu sto ir davent da chasa,
Ma ingio eu vegn non sà
Mia vita es da sudà.
5 Cha per büscha m’es toccà
Da cumbatter per la patria,
D’esser saimper vigilant
E soget al cumandant.
Stovair partir uschè dandet!
10 In juvens dids portar schlupet!
Juven sun nun poss dir oter
Onns n’ha sul bè vainch e quatter.
In grond privel manerà
Quista vita da sudà,
15 Ma ningün nun po jüdar
Otramaing nun ’s po müdar.
Blers da quia han algrezia
Ma ils meis han grond tristeza,
Mo quai lönch non dürarà
20 Cur Dieu vol tot müdarà.
Pac profit han quels dal sgür
Ossa chi ’s aleigran pür,
Blers piglessan eir ma sort
Am vezessan dafatta mort.
25 Eu vögl tant e tant adüna
Rischar la mia fortüna
Perché Dieu da suringio
Saimper vegna am star pro.
Ossa as di adiou in tschertezza
30 Tots meis camarads am spettan,
Cha quist pass sto ossa far
Ossa as rimetter sül marchà. (?)
Adiou mamma frars e sor
Ch’eu as am da tot meis cor
35 Mo sün vo non vögl laschar
Di e not d’am impissar.
Adiou chara juventüna
Ruvai eir per mai adüna
Cha quai n’ha il plü gugent
40 Co ün tesor d’or e d’argient.
Eu dumond a tots pardun
Ad ogni ün intuorn intuorn,
Scha qualchosa cunter vess fat
Schi giavüsch eu pardunai.
45 Bleras larmas vegn a sponder
Tots per mai o dolur gronda
Mo qua ingün nun po jüdar
E nell’quai as po müdar.
Eu giavüsch cha ingün nu’ ria
50 Da la mia debla poesia
E scodün per sia buntad
Nun am vögla invlüdar.