Historias dil munt sogn Gieri/14
 |
Questo testo è da formattare. | |
| ◄ | 13 | 15 | ► |
Ils dus anials.
Jeu contel dad in niebel retg de Spagna.
En in de ses castials sin la campagna
Vesev' ins sper la porta dell' intrada
In vut cun fatscha clara, bein formada,
1860 In aunghel orda marmel alv e fin,
Che deva il beinvegni a scadin.
Bugen il retg vegn ord la capitala,
Ruaussa el casti leu in' uriala.
In di cun ses affons en compagnia
1865 Il retg stat sper il vut en casa sia:
Tgei ha el bein per mauns de far? —
El di: „Tgei vus saveis, nus lein mirar.“
„Veseis, co gl' aunghel ei carins e bials,
El det ad el lein metter oz anials!
1870 El maun seniester cheu jeu mettel en
Vid in fil seida quest ani d' argien,
Ed el maun dretg digl aunghel nus pendein
Cadeina de metall e ferm ligiein
Gl' ani ded aur, che penda lundervi: —
1875 Tgei muntan quels anials, qual di a
mi?“
Il giuven prenci sil moment declara:
„Anials ins porta per enzenna cara
Dell' amicizia, che las olmas ligia.“
„Endretg, rispund' il retg. Pli bia fadigia
1880 Ei drova d' explicar la differenza
Dils dus anials. Tgi ha l' intelligenza?“
Cheu la princessa, feglia, explichescha:
… „Jeu sai, tgei mintg' ani significescha:
Gl' ani d' argen, che penda mo vid fil,
1885 Vul dir carezia, ch' ha siu domicil
Sin tiara denter fleivels cors humans,
Carezia tgunsch rumpeivla els orcans.
„Gl' ani ded aur, fermaus cun la cadeina,
Vul dir che Dieus, ch' ei la carezia pleina,
1890 Nus tegni car sin moda nunrumpeivla
Cun beinvulientscha ferma smisereivla.“ —
Il retg ei bein cuntents dell' entelgentscha.
El porsch' il premi, pleins renconuschientscha:
Gl' ani d' argen al fegl de buna veglia,
1895 E quel ded aur a sia sabia feglia.