Historias dil munt sogn Gieri/12
 |
Questo testo è da formattare. | |
| ◄ | 11 | 13 | ► |
Il schnec ed il pulein.
In schnec ed in pulein
Han mess in pag in di,
1720 Qual sin il crest Sevgein
Gl' emprem arrivi si.
Pil pag ha il pulein
Gl' emprem pigliau si lev;
El dierma stagnamein
1725 E senta nuota grev.
E lu eis el currius,
In toc e sefermaus,
E ditg sedivertius,
Puspei secumblidaus.
1730 Quei ha el repetiu
Duront il di aunc pli —
E denteren dormiu,
Fugend dal caul dil di.
Il schnec ha pei a pei
1735 Entschiet a s' avanzar,
Ei ius de buna fei,
Mo senza s' entardar.
Il crest bein fuva teis,
Ded ir ei fuva schliet,
1740 Il schnec traso fa peis,
Savonza cun bien riet.
Sur en sil quolm Sevgein
Il schnec ei arrivaus,
Avon ch' il marsch pulein,
1745 Ch' ei staus de quei surstaus.
Gia er' il schnec sin tetg
Ded ina tegi 'a tut —
Ed al pulein ha' l detg:
„Jeu sun chischèr e chischut!“
1750 Igl eremit, che viva schiglioc in toc sur Glion
En grotta solegliva, oz ses' el spel caplon —
Ed auda quels raschienis, savens misterius,
E tier sesez el tratga: „Tgei fatgs miraculus!
Denton in reginavel pli ault ei aunc d' anflar,
1755 In paradis terrester aunc pli sublim e car;
Ed olmas generusas, cul spert de cavalier
S' unfreschan cun premura per arrivar leutier.“
La Gada hospitala envid' igl eremit,
De dir en compagnia in plaid de bien salit:
1760 „Vus essas tier sogn Giacun, lunsch en Galizia stai,
Tras la Provenza biala cul fest pelegrinai,
Haveis udiu cantadas, dal Titurel, dal Gral,
Saveis resdar la detga dal calisch immortal?“
Igl eremit rispunda, ils gasts cun reverir:
1765 „Bugen jeu obedeschel, dal calisch vi jeu dir.“