Giuven sun e ha pacs ans
 |
Questo testo è completo, ma ancora da rileggere. | |
| ◄ | O spus'adorabla | Il meis star lejer temp | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
68.
(Annalas XII, Vital, p. 274 — 5.)
Giuven sun e ha pacs ans,
Sto partir davent da qua;
In il ester sto guardar,
Co chi passa vi’ e nan.
5 O che miserabla vita
Ais quella d’ün viandan,
Sül viadi brich savair,
Co chi vain ad ir a man.
Sül viadi bler inscuntra;
10 Ans po lur’eir arrivar,
E con noschas compagnias
Ans podain nus rechattar.
Cur nus giain nell’usteria,
Schi non eschan nell’sgürats,
15 In nos dormir nell’brich savaina,
Co con nus vain a passar.
Scha giains in mar, schi bler inscuntra;
Ans po lura arrivar,
Bastimaint tras bleras uondas
20 Ans po ’l affatta cupichar.
Fetscha Dieu tras grazia sia,
Cha vus s’ possat rechattar,
E con bunas compagnias
Dieu eir s’ vöglia compagnar.
25 Ed eir sün la nossa cretta
Dieu as fetscha impissar,
Ed eir sün la via dretta
Seis bun spiert s’ vöglia manar.
Il Suprem as benedescha
30 Tuot quai cha pigliais per man;
Cha voss fats bain reuscheschan,
Dieu as redscha con seis man.
Fetscha Dieu, cha vus s’impaissat
Sün ils voss chars genituors,
35 Da contin cha vus quels hajat,
Cha vus amat quels da cour.
Ma cur cha al Segner plascha
Darcheu pro nus da’ s turnantar,
Nus s’ vezzain con allegrezia
40 Sans in nossa patria.
Ma cur Dieu gnarà tras grazia
Our dal muond tuots a ’ns manar,
Là gnin nus con efficazia
Con chanzuns Dieu a lodar.