Einige Anekdoten in ladinischer Sprache/3
 |
Questo testo è incompleto. | |
| ◄ | 2 | 4 | ► |
Le medemo jê datrai na ota da pelegrin a Roma
Le medemo jê datrai na ota da pelegrin a Roma, e per ciafè bëin da mangé e da bëire se mostràvel mefo dërt devot e sant. Pervia de chëst fòvel a Roma delunch bëiningnü, e finamai pro cerć Cardinai.
N dé che ël fô inte l' ospedal di pelegrins, vëgnel n Cardinal a odëi chisc pelegrins che ê ilò da diverses provinzies. Canche chëst Cardinal ariva delungia nost om, dîjel i petan con la man söla sciabla: "Voi siete un uomo santo!" Sön chëst se pensava nost pelegrin: Scé, và mo damana l' ostì da La Ila, cotan "santo" che iö sun. Chëst fô n ostì de n lüch, tlamè La Ila, olache "l' omo santo" jêva gonot a bëire e con chël ch' ël aveva inmindećé da strité, pervia de chël che ël restava debit e ne paiava mai.