Eau vögl bain alla mia bella
![]() |
Questo testo è completo, ma ancora da rileggere. | ![]() |
◄ | Ils tschels, quels cuschidran | Stè a Dieu, ch' eau vegn davent | ► |
![](http://upload.wikimedia.org/wikipedia/commons/thumb/a/a5/Nuvola_apps_bookcase.svg/20px-Nuvola_apps_bookcase.svg.png)
Volkslieder
di Autori vari (1908)
27.
(Annalas XI, Vital, p. 191/2.)
Eau vögl bain alla mia bella,
Ed ella voul bain a me,
Cha nel muond non ais co quella,
Chi plaschair am poss’a me.
5 Nus vivains in allegria
E plaschaivla uniun,
Ch’eau non saint otra fadia
Co dal temp, ch’eau la bandun.
Dals tramegls ais’ l’amatura,
10 Ma nell’eu inguotta main,
Cha ’l tramegl vo tuot suotsura,
Cur cha nus duos sotain.
Cur sun con ün’otr’in tras-cha …
Schi ’ls ögls m’ho ’l’adün’addöss:
15 Ma nell’ella me non lascha
Dad ün oter tucher l’öss.
Cur ch’eau la guard in fatscha,
Schi guard’eir ella fich sün me,
Cha scha mieu cour füss eir glatscha
20 Schi alguer stuvess el perque.
Cur ch’eau la guard in fatscha
A vair sieus bels ögls nairs,
Schi mieu cour foura aint,
Chi chi prova sto bain crair.
25 Cur chi vain la generela
Cuor in presch’a la piglier,
La compagn infin sün s-chela
Ed in stüv’am lasch’ l’entrer.
Ed allò, ch’ingün non sainta,
30 Fains discours da grand dalet,
Cha noss cours be vi s’alguaintan
Per l’amur e vair affet.
S-ch’ün colomb ais ella prusa,
Innozainta s-ch’ün agnè,
L’ais plaschaivla, l’ais bandusa,
35 Spür amur e spüra fè.
Dschè ’m dimena, sch’üna tela
Non ais degna dad amer,
Ad ün’orm’usche sincera
40 Vögl gugent mieu cour duner.