Donzela, iö à l' onur de ves fà mi complimënt

Donzella, jeu ha l' onor de ves fà mi complimënt.
Çhi accidënt favorévol ves mëna mó aquilò?
Jeu suǹ vegnüda per ves reverì.
Perdonéme ŝe jeu ha tralascè de fà mi dovér.
Ël é bel[e] plü de 'ǹ mëis, ch' jeu n' ha avü le favór de ves odëi.
Avëis bëiǹ raĝiuǹ de me reŝié.
Vosta negligënza meritass, ch' jeu fosse dessenàda coǹ vos.
Nò, ne sëise dessenàda, jeu ves impermëtte de vegnì da desëiǹ iǹ là plü gonot a ves ćiaffè.
Él bel[e] die, che n' avëis odü nia Signur J.?
Inte le vegnì aquilò l' hai odü da lunĝ; j' i suǹ corrüda incuntra, mó int' uǹ momënt l' hai perdü de vista.

Ël é 'ǹ féttr cristiaǹ!
'Na caricatüra sco quëlla n' hai mai odü jeu.
Ël ne dëúra mai la boçhia, ch' a spëises d' atri.
Ël ne raĝiona, che cosses da stoffé, e é uǹ capital scrocuǹ.
An mëss compatì le püre stënta, ël é 'ǹ pü' stlettoriǹ.
Jeu mësse ĝi desëiǹ.
Cò? Vorrëise bel[e] m' abbandonè?
J' ha çhiamò treupes cosses da fà quest daǹmisdé, e ël é bel[e] tärd.
Ne ves desmentiéde de vegnì a me ćiaffè, ŝe vostes fascëndes ve[s] lascia, e sëise sigüda, che vosta viŝita me sarà sëmpr cara.
A revédr!
Buǹ appetit!