De Capol
 |
Questo testo è completo, ma ancora da rileggere. | |
| ◄ | Memorias | Brefs e billets | ► |
Questo testo fa parte della raccolta Rätoromanische chrestomathie
DE CAPOL.
[Brefs.]
(Inedita nach den Autographen des Schreibers.)
I.
Ils 7 de 8ber A° 1799 en Glion.
Las trestas novas en che jer ei arivau 15 melli Rusiers, ils spetaculs pos jau bucca scriver, strapazau glieut e biestgia, e bageigs per tut las visnauncas, ed trenta vaccas vai jeu stoviu schar ira cun tgirs et tut, non havend provisiun sche termetei aung dodisch tocan s. Martin, la mezcha han ei rut en questa noig ed ji cun tut la carn. il fein dils cumins han ei rut en il clavau ed era priu tut. jau vai giu ner agit auter che scar[v]on Flurin, ner ordananzas ner che partgiran la biestgia, ner che runan naven ils tgirs. Las novas datan che ils Franzos tempren dad ira vi digl Rein. da Tosaun dei era vignir 30 melli, ed tras Valtrina aung bia pli biars. restel cun tutta stima.
de Capol.
II.
Ils 15 de 8ber A° 1799 en Glion.
Novas sagiras ai oz naginas; nuota tomneins ven ei discoriu che ils franzos vegnien bucca pli de la Cadi oragiu, ed ina part manegien che ei hagien dausi ils cuolms ton il Gothart, sco Ursera, e Pigniu. Las truppas digl keiser che eran a Flem, a Trin an aung jeri, per consequenza sto la bataglia bucca esser antschata. ils pots pon bucca vinavon, la carn vai jau faigt naven anzacò, bos, fein ner auter tarmatai nuot tocan jau scrivel bucca. Oz, e damaun vi jau aung star per osservar las novas che vegnen, ad sche ei tuorna bucca truppa sche vendardis veng jau anen. Las fieras vai jau speronza che vus vejes pli buñas novas che jau, ils sr Landa. Fargit scriva che il anprim sei stausi paucca gliaut, ed sei era en bia logens rutora malzognias de biestgia. Restel adina.
Lur fleivel survient
de Capol.
III.
. . . novas che en vignidas ansi en che . . .
ei eung jeri ina truppa din maun il . . . ed ina de lauter maun giu antocadem, ils
. . . sejen tuts vargai il Steg, cun la trupa franzosa sei bia Svizers, mai Berners 18 melli, giu ils Molins de Trin sei canpau trei melli Keisers, a Flem ina compagnia, a Rovaun ina compagnia Keisers, en Glion mai 12 dragoners presentameing, si la Cadi ei nagins Keisers, ils Franzos sejen a Tavetsch e fan patroglias digl comin oragiu, ed hagien en poses il cuolm Ursera ed il colm Gothart. grad avon ina ura ei vigniu in postaglion a caviagl ed jus a Rovaun tut a sparuns, ed ussa ei la truppa, che era a Rovaun schon vignida angiu ei era . . . che ei sei schon Franzos sin il cuolm da . . . las preschas che ven fatgias dad ira . . . haver atacau lau giu schi gleiti sco . . .
IV.
. . . 1799 en Glion.
. . . spesas che ils Franzos . . . tutta prescha antocan ils Molins de Trin: Keisers, che eran dadens Trin campai, denton han ina colonia sigl precis moment atacau era ils Keisers a cune els, ils quals han dau avis a quels de Trin, ed ina autra colonia de Franzos en vigni de Claruna sil madem temps en agit. sin quei en ils Keisers fugi zenza dar in schuz, ed dau fiug alla pun de Richenau, aber antuorn 500 Keisers vigni pri parschuniers dils Franzos ed manai sura il cuolm de Flem, presentameing en ils Keisers de in maun il Rein ed ils Franzos de lauter, ed 500 Franzos en tornai a Glion, 250 eran en Glion vivon, ed 200 en i anzi tocan Trun, quels che eran a Trun en i sigl cuolm s. Maria, ils Kesers e Rusiers vulten ei gi che ei vomien bucca decordi, Bonaparte ei tornaus a Paris, renonziont la Egipta, ed veglig che ei vegnig salvau la pasch fagtia a Udine & las 4 vaccas destinadas tarmatei, las 4 Val restigiei, il fein cura glei ora 4 pons per vischnaunca scha bucca tarmatai pli.
V.
Ils 11 de 9ber A° 1799 en Glion.
La vacca vai jau ritschie[r]t, las truppas pli numerosas, oz ei aung arivau pli tragoners, e pagsmenars, ed il clavau de fein han ei schubergiau questa noig, ed ira cun portas e tut, la carn lain ei ina part mai pasar bucca nun gir pagar, ed va pli che ina vacca a gi. Ils Franzos jer passai il cuolm Ursera, da Tusaun sei vigniu bein bia keisers e nauschs, e vegnen da Razèn si. la pun de Richenau ei aung bucca fatgia e lein bucca far, a Favoing ei in part per pasar laua, dil cuolm de Surses dei era vignir truppa imperialla, il prinz Ferdinant dei jer sera esser arivaus a Cuera. davart il fein maunca a Tersnaus a Vrin il bia, figiei esser proms cura che jau tarmetel.
Ils bein sabis srs Landa. e cuseigl de la Foppa, a Glion han schau anvidar sin giefgia nies Sr Landa. oder in auter Sr deputau ner dus sco era de scriver all Sr Landa. de val che ei comparen a Glion a quei cun tuta autoritat de tarmeter in deputau, ner dus a Cuera tier la regenza, ner sco ei ven anflau per bien per procurar che nus vignien librei de quellas gravezias sigl meins anpau & a tier quei cuseigl ei tuts cumins anvidau de vignir quels sur il vaul. jau restel adina cun la pli gronda stima fideivel st.
de Capol.