Alchünas Rimas Romaunschas/Acrostichon

Clamedas nocturnas Il Bap noass
[p. 38 modifica]

Acrostichon.

Cur sarò gnieu mi’ura
Our da quist muond dad ir
Non se — a Quel sü sura
Remet da stabilir:
Ach eau non temm vi da passer
Dieu ais mieu Bap! El so am mner,
In Ei he ma fidaunza
Na main co tuot ma spraunza!

Fingio nel muound am ho dit cler
L’oarma, cha ell’ad abiter
Ultra la foassa giaja;
(Gia quia non ais per ell’ün ster)
In cel sia patria saja!