Ach eu sun gnü qua zond in prescha

romancio

1908 Indice:Decurtins - Rätoromanische chrestomathie, IX.djvu Ach eu sun gnü qua zond in prescha Intestazione 30 marzo 2021 75% Da definire

Meis juven cor quel es fich contristà Binsan tü mieu cour cher
Questo testo fa parte della raccolta Rätoromanische chrestomathie

Scarica in formato ePub Volkslieder   di Autori vari (1908)

[p. 133 modifica]

96.

(Annalas VI, Derin, p. 52/53.)

Ach eu sun gnü qua zond in prescha
Per palisar la mia amur
La quala ch’eu cun grond tristeza
Sto raquintar la mia dolur.

5 Daspö lung temp meis cor t’amaiva
Da tia beleza inamurà,
Ch’eu di e not sün tai pensaiva
Sün tia beleza e castitat.

[p. 134 modifica]

O chara dim sün quai ün pled
10 E fa meis cor ün pa alegrar,
Meis juvens dids aint in grond led
Nun vöglast brich laschar crodar.

Da grond dolur ch’eu sto sofrir
In terra fessast bod mai ir
15 Lura gnissast bain at irüglar
O chara, chara quai nu far.

O tü mia chara eu di a tai
O tü est bain plü chara a mai
Co svess la clêritad del di
20 Cusidra sch’eu sun teis ami!

Bain es a mai gnü ad uregla
Dals teis üna trista novela
Cha quels nu vöglan laschar dvantar
Per mia spusa a tai nell’ dar.

25 In quant a la roba scha hast da plü
Onur n’hai eu bé tant co tü,
Ün cor sincer sainza fosdà
Port eu cun mai Diou sia ludà.

Onur, sandad ed ün cor net
30 N’hai eu chi jascha sot meis tet,
Roba belleza e castitad
Bain ’s chatta eir aint in tia chà.

Eir scha ’ls teis cunter s’ lessan büttar
Da non laschar quai operar,
35 Scha Diou a no aint in quist mond
Anns separar anns vol per zond.