Üna saira jeiva ora spêr il mar
 |
Questo testo è completo, ma ancora da rileggere. | |
| ◄ | Viv' il bel prinzi, rai d'Olanda | O Anna Maria, ingiò ais teis hom? | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
118.
(Annalas VI, Derin, p. 61.)
Üna saira jeiva ora spêr il mar
Et eu cumanzeiva là a spassisar,
Eu da cor chanteiva là üna chanzun
Schi bainbod udit’eu ün’amabla vusch.
5 Üna juvna bella vez, vers mai a gnir
Et am dscheiva quella: dim che quai vol dir
Ün tavan da terra dod eu a chantar
Tü uoss’am declera che quai vol maniar.
Stupi meis cor steiva cur ch’eu la vezet
10 Lura ell’am dscheiva guardam pür indret
Sia grond’ beleza eira tschert usché!
Et eu cun pronteza, via pro ella jet.
Eu la giavüscheiva ch’ella dess chantar
Ell’am respondeiva quai nun po dvantar.
15 A chantar ch’eu gniss schi da sgür at di
Tü at rumanzessast e nu sdvuaglessast plü.
Quista juvna bella cumainz’a chantar
Üna vusch fich bella dod eu a chantar,
Quai ch’ella chanteiva, nun saveiv’incler
20 Ma quai am pareiva üna vusch dal tschel.
Chara juvna bella eu ’t vögl seguitar
Tia vusch fich bella fa meis cor legrar,
Eu ’t vögl dar per spenda quatter milli rentschs
Cun bun cor at dun tot quai ch’eu posed. —
25 O crastian da terra salva tot per tai
Tia richeza blêra nun am po jüdar,
Siond la chasa mia sta in mez il mar
Tü a totta via nun post seguitar.
Scha quai nun po esser dad at seguitar
30 Stögl eu laschar esser et am cuntaintar.
O tü juventschella schi va e sta bain
Giavüschet a quella, plü nun as vezain.