Zuane da Meleres inventor del Sciopo a vento

ladino

Eligia Ghedina Z Zuane da Meleres inventor del Sciopo a vento Intestazione 25 marzo 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Zuane da Meleres inventor del Sciopo a vento

Za zento ane, proprio come ades,
Un del nosc Sestier, Zuane da Meleres,
El fasceva parlà duto el paes
De ra vittoria che la abù su tanta gueres.

I disceva che l' avea el diou ch'el tizio,
Ch' el lavorava di nuote, che l' eva da fei paura:
Invenze el "sciopo a vento", dapò tanto sacrifizio
L' eva nasciù. Tanto de ra so vita l' avea dà par sta braura.

Ancuoi nos voron v' el recordà.
E zercon de ve fei vive ch'el di lontan.
Inze ra nosta STUA duto podè amirà:
Laoro, sciope, atreze de sto genio Ampezzan.

On anche l' Arloer ch' el se sbate pi ch'el po
A fei si polito duta chera machinetes:
El vò fei bona fegura, el sirave inze fo'
Pur de contentà duta sta pizoretes.

Ma canche del sabeda el noizo va as ciatà
Es no vorave che ra ores pasase cosci in prescia
La pede ol fornel i vece fesc finta da se ra contà
Ma ià sempre un oceto sora ra so "Escia".

E pò co lè vegnù r' ora de s' in si
El pare el leva su con na zerta fiacheta
Al "donioto" - che basta – e gli fesc capì
E del' arloio el tira su ra cordeta.

El bate par el vecio, par el soin, par l' inozente,
El' me fesc compagnia a dute fin che non son pì
Chesto secondo cuore de ra zente
Ch'el bate insieme col nosc dì par dì.