Walther de Belmont/5

Dus gronds Grischuns han priu comiau

../ ../ IncludiIntestazione 29 febbraio 2016 50% Da definire

Walther de Belmont Walther de Belmont

Dus gronds Grischuns han priu comiau.

Caspar Decurtins — Benedetg Prevost.

(1916.)

O mort, o mort, tgei tratgas ti
De far schi vid en la Cadi!
Nos megliers umens van navent
Giud il Cumin, ord il Convent:
5 A Trun has priu il grond mistral
Ed a Muster il cau claustral;
O mort, tgei fridas has ti dau,
Dus gronds grischuns han priu comiau,
Las plagas senta cun tristezia,
10 Il pievel en l' entira Rezia.
O veta, veta, gronds tschupials
Ti das als umens immortals,
Che han bien sem egl er semnau
E pil Patrun en tschiel luvrau.
15 Lur ovras restan ditg en flur
Per laud e gloria dil Signur,
Che ves' el cor las intenziuns
E sa distinguer mals da buns.
O veta reha, prosperonta,
20 Ad els dai la pagaglia gronda!
O pievel, pievel car grischun,
Salv' als defuncts ti' affecziun,
Lur plaids pussents bein buca pli
Pon dar la direcziun a ti,
25 Mo lur exempel muossa clar,
Co l' jerta veglia conservar.
Els han la patria carezau
Pil pievel lur talents duvrau:
Tals generals, o Diu, leventa,
30 Spel guvernagl dil pievel tschenta!