Walther de Belmont/4
 |
Questo testo è da formattare. | |
| ◄ | Walther de Belmont | Walther de Belmont | ► |
La primavera.
Tut la contrada ei bognada
Da plievia tutta notg curdada,
Gl' unviern sto perder il process;
Ed ord ils nibels puspei mira
5 Il bi solegl sin la cultira,
Il Matg pertut fa ferm progress.
Las vals si ault ein terrenadas,
Uals spimonts fan bia cascadas,
Rihezia d' auas ha il Rein;
10 … Ils flums curdonts giud' grugns e gondas
En tschalatadas liungas grondas,
Van ramurond profundamein.
La neiv ei suls uauls untgida,
Sin spunda bassa gia flurida
15 Vapurs van si dal tratsch humid;
Ils funs, ils ers de tiara brina
Cun las semenzas en lur tgina
Encorscher laian lur vertit.
Ei prui e catscha ord la tiara,
20 Il schierm vul ver quell' aria clara
E buca star pli ditg sut tratsch:
La glisch garegia mintga plonta
E la rugada abundonta,
Mintga ragisch survegn siu catsch.
25 Niev schit ils bests vivifichescha,
Mondura nova gia ornescha
Il salisch, coller plaun e plaun.
Tgei bi mirar sin la contrada
Cun biars tscharschers tut alvs ornada,
30 Entuorn il vitg e sper 'gl ucclaun!
Ils … utschallets pertut a strada
Sgulond bein leds sin plont' e prada
In l' auter cloman il bien di;
Ch' in meglier temps per els arriva,
35 Sminar lai lur legria viva
Leu en las plontas, sil tschupi.
Tut la campagna ei spir veta,
Che la bun' aura nus viseta,
Mintg' animal po selegrar;
40 In bau bi verd sper mei camina
E tras las jarvas sefestgina,
Sco sch' el havess aunc ton de far. —
Ti vesas, sentas las midadas,
En paucas jamnas daventadas —
45 Has era ti in plaid de dir?
Ge, en quei temps dil Matg ei descha
De quel numnar, che tut scaffescha,
Siu num vi semper reverir.