Vlain comanzar eir a chantar
 |
Questo testo è completo, ma ancora da rileggere. | |
| ◄ | Qua eir' üna giuvnetta | Buna saira mattans bellas | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
122.
(Annalas XIV, Vital, p. 204 — 5.)
Vlain comanzar eir a chantar,
Ai, supra il maridar.
O tadlai, co l’ais passada,
Schi volaina radschunar.
5 La giaiva oura ün po a spass
Per verer, sch’il gniss a plaz;
Bella tschera, ch’ell’al fa
Per il far inamurar.
„O bun di, vus chara bella,
10 Perche stais da mala vöglia,
Perche ’vais usche cridà,
Perche ’vais vos cour plajà?“
„Eu ’s voless bain radschunar,
Scha vus savessat da’ m güdar,
15 Scha vus savessat da’ m quintar,
Scha meis marus vain bod a chà.“
„Noschas novas ch’eu ’s vögl dar,
Cha vos marus ais maridà,
Noschas novas, ch’eu ’s vögl dir
20 Cha vos marus ais sepuli.
Bunas novas, ch’eu ’s vögl dar
Per vos cour far allegrar:
Be per quai sun eu gnü quia
Per vera, scha gnissat mia.“
25 „Scha meis marus eis sepuli
Ed in la terra ais clet sü,
Megldra sort non sa eu brich
Co que, uoss in quaist iffich.“
Qua la dè ’l ün pêr daners
30 E ses lingias bels granats,
Qua la dè ’l ün pêr zechins
Ed ün bel pêr urachins.
In sandà, vus chara bella,
In sandà da nossa lai;
35 Dieu ans vöglia benedir,
Tuots noss fats far reuschir.“