Vita de Giachen Caspar Muoth/3
 |
Questo testo è incompleto. | |
| ◄ | Vita de Giachen Caspar Muoth | Vita de Giachen Caspar Muoth | ► |
3. Digl um e de sias ovras.
Silla Surselva, a Cuera ed en autras parts dil Grischun era
il professur Muoth ina persuna bein enconoschenta. Quei era nuotta
de smervigliar: arrivavan ils dis de vacanza, bandunava el ses
cudischs, „quels fauls amitgs de malenconia, che stgirentan mia
vita cun lur morna filosofia", sco el sez scriva. II pli savens era
el a Breil, principalmein dils onns, che bab e mumma vivevan. (La
mumma ei morta ils 31 de December 1892, il bab ils 14 de Fevrer
1893). El lia dentont inagada ni l'autra visitau bein tut las valladas
giischtinas, il Tirol ed autras contradas, che havevan per ses
studis in cert interess. Sco'gl intperatur roman Hadrian viagiava
el a pei tras sias valladas, observava, domondava ils purs sur quei
e tschei, s'interessava per lur lungatg, lur isonzas ed ideas. Aschia
deva sia distracziun en medem temps igl impuls per novs studis,
per in niev operar.
De taluisa ha el empiiu d'enconoscher siu pievel ed il pievel èrn el. Ma ussa, cura ch'ei se tractescha de resdar de sia persuna, de sia impurtonza e de ses merits, mauncan al scribent las expressiuns qualificadas per caracterisar quei um, che tut numnava simplamein in original. El selai òra ual vess paregliar ad in auter de nos Grischuns, che han nel dequors de lur vita acquistau in num en lur patria. Muoth ha denter siu pievel bein negin, che substituescha el. Nus volein cun nossas minimas forzas sesprovar de silmeins plidar dell' impressiun, che Muoth ha tralaschau en il contact privat, sco nies professer en la scola cantonala e suenter appreziar sias poesias e sias ovras scientilicas, aschi lunsch sco il pign spazzi nus lubescha.
„La vita privata," di Muoth, „ei quella, nua ch'ins catta las veras colurs per elaborar il portret d'in carstgaun." Suenter esser arrivaus a Cuera ha el gleiti gudiu ina gronda stima tier gitiven e vegl. Cun siu amitg Alexander Balletta era el savens leu, nua ch'ei se tractava d'ina modesta recreaziun, d'ina festivitat, d'in fatg de scienza, ed el udiva gia cheutras denter las persunas las pli popularas a Cuera. Ma ils umens, che la societat humaiia undrescha, survegnan saveus èra ina carga de quitaus e travaglias. ufficis cun hoiiur e lavur, e Muoth senuspiva èra nuotta d'acceptar sia part. Ei ha nel dequors dil temps, ch'el ha avdau a Cuera, strusch existiu ina societat de cumin etel, alla quala Muoth appartenevi buc. El era in patriot en plaids ed en ovras. Cun speziala premura s'occupava el dil migliurament della sort de glieut pupratscha. Èra dellas uniuns scientilicas dil Grischun e de pliras della Svizzera ha el participau ed el gudeva cheti gronda stitna. Aunc pli che tuttas societats occupavan savens fatschentas privatas nies professer.
El se stentava de dar plaid e fatg a tut tgi che vegniva tier el.
Sia habitaziun frequentavan ils paupers e mendus, els enconoschevan siu cor misericordeivel, sia gronda carezia proximala, artada dalla mumma. Ultra de quels visitaturs regulars spluntavan historichers, filologs. cantadurs, amitgs e scolars de pli bauld vid siu isch, quasi tuts volevan in bien cussegl, agid, ni portavan lavur, ed adina era el prompts de gidar ed unfrir sias forzas e siu temps per il proxim. Risguardont sia immensa occupaziun perdunava in um raschuneivel ad el, sche certas speronzas vegnivan buca adina ademplidas sil temps fixau. Muoth ha se sacrificau al concarstgaun. principalmein als Romontschs, e cheutras ha el beinduras negliligiu siu agen beinstar.
II basegns d'ina caserina, „de quella dultscha tirania, la quala regia cul cup e cun la scua", sco el s'exprima humoristicamein, ha Muoth bein sentiu. Gia a Miinchen ei quei stau il cass. Sia poesia „L'amur studiosa" (p. 61) palesescha in evenement intim ord ses giuvens onns. Ina carezia profunda e bunamein passionada per quella Bina vegn cheu exprimida en quels melodius vers. Igl onn 1870 scriva el en la Pinacotheca:
Affuns miu cor ei in maletg
Satraus e cuvretgs vi
Ei drova mo in pign schabetg
Per el scuvierer si.
Legent il viadi a Heimhausen en siu fragment de diari de 1871 (p. 12) crei ins, ch'el hagi anflau siu ideal. Ma ils onns ein vargai ed en il schurnal d'in mat vegl (1889) lamenta quel:
Con ditg eis ussa staus attents
Sin ina senza munglaments!
Ti has spetgau
E ponderau
Mirau, lignau
E calculau
Ed eis uss in pauper bandunau.
Entginas qualitats d'in spus persul ha Muoth acquistau nel dequors dil temps, p. e. per certs moments ina trista ironia sur siu agen far e demenar, in pessimismus, che stgirentava beinduras siu humor,'che haveva fluriu en ils meglers onns de sia vita. Plidont cun Muoth mo beinduras, carteva ins d'anflar en el spir contradicziuns, principalmein cura ch'ei se tractava della vita sociala, politica ni rehgiusa. Tgi che era dentont pli savens en sia societat ed udiva el discurrer e meditar, saveva se persehuader, che quellas antitesas eran mo il product d'ina eminenta lavur spirtala. El reproduciva en general nuotta tale quale las ideas u la sabientscha d'in auter perdert: el legeva e tadlava ellas, ma suenter seseva u spassegiava el meditont sur ils pertratgs exprimi da quei autur. Bein savens deva el lu fiug al casett. che quel haveva construiu artificialmein, e baghigiava sez ctin siu saun giudici in simpel edifici sil fundament de sias rihas enconoschientschas ed experienzas. Aschia schendrava il pertratg jester tier nies filosof novas ideas, novas direcziuns, che parevan beinduras èra denter sesezzas de contrastar, pertgei siu grondissim intelletg produciva sin quella moda divers pertratgs sur ina materia. Sut rinlluenza de quella ni tschelki impressiun haveva il niev product mintgamai in' autra vista. Igl auditur era surstaus per il moment, ma quei process scliendrava èra en el novas reflexiuns ed aschia svegliava il meditar de Muoth novs pertratgs e novas rellexiuns en siu contuorn. El electrisava ses auditurs. üe tal' nisa procedeva el en tuttas scienzas ed en tut ils roms, che occupavan sin spirt. Negin smervegl, sche Muoth saveva pli tard mai se reconciliar cun ina scienza exacta ni fixa, sco la matematica. che pareva ad el buca de lubir in tal demenar, fertont ch'el simpatisava dasperas per las scienzas naturalas.
Quei operar, che nus vein cheu analisau, exprima siu senn e siu spirt democratic e quel dominava en tuttas domondas. en tut siu patertgar e raschunar — èra en questiuns politicas. Muoth ha en tut sia vita demussau in' aversiun encunter il spirt de partida. A Cuera ha el collaborau cun auters Romontschs vid il ,.Patriot", ina gasetta liberala, comparida da 1874—1882 sco successtira della „Ligia Grischa" (1865—1873) e pli tard vid il „Sursilvan" (1883—1891), che defendeva ils medems principis. En quels fegls ha el publicau entginas de sias ovras litteraricas. Ma talas ha el èra furniu als organs conservativs. alla „Gasetta Romontscha" ed al „Calender Romontsch". Plidont de partidas exprima el siu viv senn de giustia. El scriva inagada: „Ge bein, ner temps eis ei de far ina fin cull' exclusivadat en nossa representanza, della quala il „Sursilvan" ha plidau en sia davosa numera. Cheu ha el tuccau la noda ed exprimiu la malcontentientscha d'in e scadin raschuneivel patriot."
Quels plaids se refereschan sin las relaziuns politicas della Surselva de quei temps. II medem sentiment visavi al spirt de partidas nella Surselva exprima el èra en ses plaids dedicai cun schi gronda carezia alla memoria d'Alexander Balletta. Muoth era memia grond democrat per saver en tuts graus trottar cun ils politichers calirai e passionai, ma el risguardava las ideas e tendenzas de mintga partida. Sias vias, ch'el mava en domondas politicas, eran battidas dal progress, dalla carezia per la patria, per il liber pertratg ed il beinstar general. Sco historicher veseva el tuts evenements politics e socials vegnir e passar e reflectava e giudicava beinduras sco in profet, appreziont e criticont dasperas las acquisiziuns della cultura moderna. Bugent vargava sia ègliada nos dis e seglieva ordavont viaden nel stgir digl avegnir, construint la vita futura cun sia nova civilisaziun e cun novs evenements.
Muoth se mussava en scola sco professer nuot auter che en societat de ses amitgs ed enconoschents. El possedeva las bunas qualitats d'in educatur. Siu ègl viv e franc sut siu frunt atilt, ina tschera bunamein marziala, sia detscliartadat e surtut sia gronda savida, sias enconoschientschas universalas e profundas imponevan a ses scolars. Tgei importa ei, sch'in ni l'auter sabiut prentencla, che nies professer bavevi buca suffizienta metoda? Nus spetgavan vess sin l'ura, che menava nus tier Muoth. Quei eran per nus moments, nua ch'in spirt de libertat regeva en plaids ed en metoda, e buca tutta savida e tut operar tratg suenter in laisch. Muoth veva en quels sco en auters fatgs sias atgnas ideas, èra sco educatur ftiv'el in original. El era forza meins instructer ch'educatur, essent ch'el domondava p. e. stagn pauc, che ses scolars stoppien gest enconoscher quei ni tschei evenement historic e deien haver ina tal' e tala provisiun per in examen: ma dall'autra vart pareva siu operar commensuraus a nies caracter democratic ed a qucllas singularas relaziuns poliglottas, ch'existan en nies cantuii ed en nossa scola cantonala. El voleva capacitar ses scolars de declarar co las relaziuns nel stadi ed en la civilisaziun ded oz il di ein se sviluppadas, avont ch'els criticheschien nossa cultura e nos cundrizs. Nies professer voleva pia pli educar ch'instrtiir. el voleva survir a ses scolars, a siu pievel e buca menar quel sin sia via. Muoth giavischava. clie la giuventetgna emprendi de giudicar gest e dretg sur il passau, il present e 'gl avegnir. Per quei intent occupava el savens ses scolars cun la historia della civilisaziun. Cheutras batteva el medemamein per il senn de giustia ed encunter las pissiuns. la sofistica ed il fanatismus dellas partidas. Ses pertratgs sur l'instrucziun en la historia ha el exprimiu curtamein en ina pintga. ma remarcabla lavur, intitulada: „Über die Weckung des histotischen Sinnes". Muoth intenzionava buca d'inflamar in u l'auter de ses auditurs p?r ina persuna u ina tendenza representada en la historia, ma tgi ch' ha udiu el inagada caractetisar in temps u in representant historic, ha giu ina viva noziun de tut las relaziuns descrittas. Igl atiditur se sentiva transportaus enamiez la vita e la cultura, della quala il professer plidava, e l'impressiun producida era intensiva e dominonta. Ma volent Muoth far capir nossas relaziuns socialas, religiusas, [loliticas ord il temps passau, seglievan ses pertratgs èra ord amiez las fatschentas digl imperi german vi en in uclaun della Rezia, en il vitg d'in u l'auter dils auditurs. Cheu metteva el lu tut en connecziun cun la historia universala e quella della civilisaziun. Ascliia svegliava el igl interess perla historia en general, per la patria, per las instituziuns de nossa terra ed adempliva nel medem'temps siu intent d'instruir e far capir. Ed ei quel, che plonta carezia e stima per sia patria, buc' in grond educatur? En quei senn ei Muoth sco poet e histoiicher staus ed ei per tut temps il grond educatur de nies pievel romontsch!
Igl ci bein ver, che Muoth pudeva buca vegnir suondaus da mintgin, cura ch'el fageva quels sparuns anavos en sia cara Rezia, ma el perdunava aunc ph che talas lleivlezias. El nutriva enviers ses scolars la gronda benevolientscha e carezia, ch'el exprimeva e practicava visavi ses amitgs. visavi paupers e munglus. El era in cor beinvogliu de bunas e carezeivlas qualitats. Ses scolars carezavan e stimavan el èra niuort siu giudicar en fatgs historics. Cun la medema forza resdava el sur il pro e contra, sur vizis e vertits de persunas historicas. Beinduras s'exprimeva el recentamein sur certs representants della historia, ma sias expressiuns eran adina adetjuatas, per dar alla caussa il dretg num, bein capiu buca en in lungatg convenzional, ma bein nella viarva franca e sincera de nies democrat. El palesava ses pertratgs en in tun che correspondeva a ses sentiments morals. El voleva dir la verdat e tut la verdat, el procedeva en la histotia tenor la sentenzia d'in filosof, che di:
On doit des êgards aux vivants,
On ne doit aux morts que la vêritê.
Contemplont certs representants historics cun quels vizis humans, cli'el sprezzava principalmein, sco la faulsadat. la ranveria, la vendetga e la nauschadat, saveva Miioth s'alterar e hira deva ei beinduras ina dracca de sia viarva sarcasta e satirica, savens fetg realistica.
„Heil uns. noch ist bei Freien üblich
Ein leidenschaftlich freies Wort." (Gottfried Keller.)
Per la historia dil temps miez ha Muoth adina giu ina speziala predilecziun tut il temps de sia vita. En doinondas, che tractavan della historia grisehuna de quei temps, era el reinprima autoritat. Muoth possedeva èra las megleras qualitats per in historicher. el haveva ina meinoria fenomenala, el enconoscheva ina iminensa litteratura historica e cun quellas forzas s'univa il dun dil poet. che formava e combinava mervigliusameiii ils factums historics. Ma de tut sias rihas enconoschientschas ha el priu la gronda part eun sesez en fossa. ln de ses scolars plirava beinduras en las tribulaziuns dil studi e scheva: 0 sch' jeu savess artar la testa de professer Muoth cun tut quei ch'ei lient. El haveva buna rascliun cun siu desideri. pertgei Muoth ha muort sia modestadat buca concepiu en scrit tut quei, che schascheva. en sias eminentas forzas spirtalas, e quei ch'el ha publicau sur la historia. lai strtisch far in'idea de sia vigur orala. El haveva memia pintga conüdonza en sesez, era memia scrupulus en sia scrutaziun, perquei ha el èra tralaschau de publicar bein enquala de sias ovras. che fussan vengonzas de vegnir squitschadas. Viers la lin de sia vita ha il pievel grischun entras sia representanza rentliu giustia a siu pli grond historicher. ' II Cussegi Grond ha concludiu ils 24 de Matg 1902 dincoinbensar Muoth, de scriver la historia dil Grischun. Quei conclus ha preparau al stimau defunct la pli gronda satisfacziuu per tut igi operar en sia vita. Jeu deigi scriver la historia de iniu pievel, di quel sez, quei era siu pertratg e siti legherment. ('un grond plascher ei Muoth cuninagada s'occupaus cun sia lavur. El ha fatg ils preparativs, che parevan ad el necessaris per in' ovra fundamentala. sco el haveva en fin e mira. El ha repassau, excerpiu, paregliau e giudicau ina vasta litteratura sur la historia politica, sur la civilisaziun ed il dretg della Rezia. Lu ha el aunc examinau exactamein purgameinas, codex, cronicas e documents dils arhivs grischuns ed jasters. Quella lavur stoveva esser fatga, ma in tal operar domonda èra forzas fisicas e liung temps. Quei haveva Muoth buca pli. Duront sia greva e stentusa lavur ha la malsogna taccau siu cor. Nuottatonineins ha el de tut temps, entochen ils davos dis de sia vita. sperau de saver dar a siu pievel, ch'el carezava tont, in prezius maletg de siu temps anteriur e de ses babuns. En il dequors dils onns 1902—1906 ha el elaborau entgins capitels, ina els paran d'esser restai fragmentarics. Vegn onns pli bauld haveva in editur incombensau Muotli de scriver ina liistoria grischuna en dus volumens, ina dentont ei l'ovra de Planta comparida. Muoth ha lu deplorablamein desistiu da siu project. Dapi 1875 apparteneva el alla societat historica antiquara dil Grischun. Entras ses splendids referats basai sin documents ha el stimulau quella d'instanziar tiel cantun de registrar nos arhivs Da 1891 entochen sia mort ei Muoth staus ella suprastonza della societat, e quasi mintg' onn ha el delucidatt quella u tschella domonda historica en quei circhel. In dils emprims referats tractescha dil Segneradi dil munt S. Gieri. Sias scrutaziuns se refereschan particularmein sin il temps feudal, sin las relaziuns dil temps miez e la historia digl XVIII. tschentaner. In' impurtonta lavur ha el prestau en ina publicaziun numnada: Zwei Aemterbücher des Bistums Chur aus dem Anfang des XV. Jahrhunderts, quei ei ina ovra fundamentala per la historia dil Grischun, spezialmein della Surselva. Sur las relaziuns feudalas dil temps miez orientescha el nus en l'oreifra scrutaziun: Churriitien in der Feudalzeit. Mtioth apparteneva naturalmein èra alla„Geschichtforschenden Gesellschaft derSchweiz". 1901, cur che quella distinguida societat ei stada radunada a Cuera tier la sesiun annuala, lia Muoth delucidau en in stupent referat la questiun dils Valsers, ina dellas pli difficultusas domondas en la historia della Rezia.*1) Ei menass memia huiscli, sch'il biograf voless sin quei pign spazi relatar sur tut quei, che Muoth Ita prestau sco historicher. Sias lavurs, che ein comparidas, vegnan allegadas alla fin de questa collecziun. Nella scienza vegn el adina a vegnir appreziaus sco historicher e sco poet, e quellas duas natiras u forzas ein tier el talmein unidas, ch'ellas san buca vegnir separadas l'ina da l'autra, sch'ins vul giudicar sias ovras. Era siu pievel romontsch vegn a seregordar de Muoth sco historicher, ma aunc pli pervia de sias canzuns, de sia poesia, de sia viarva romontscha, che restan in scazzi en tuts temps, schi ditg sco „la inumnia carina" resuna en nossas valladas. Ei fuss tuttavia buca neeessari de caracterisar il lungatg romontsch de Muoth, sias rimas, sias poesias e sias ideas exprimidas en quellas, nies pievel romontsch enconoscha e sa appreziar ellas. Tutina volein nus cheu sesprovar de curtamein valetar sias ovras e quei per stima e carezia tier il defunct. Naturalmeiu san en questa curta prefaziun buca tut sias poesias vegnir risguardadas, ma ils Romontschs dil temps futur vegnan a render a nies principoet la lioiiur, clie s'auda ad el, e sias poesias anflan speronza dapertut plaz sin cruna sur igl isch ni sur il lenu de planschiu sper il cudisch de canzuns spiritualas e las legendas, che eran ina part essenziala della lectura de nies poet. Muoth se presenta 'gl emprim sco poet en sia lirica de Müncheii. EI ha èra fatg sias emprovas cun il drama. nia el reussescha il pli bein en quei stiblim product poetic, nua ch'igl individuum se muossa iniius sco populaz. en igl epos. Aschia ha el se surviu de ttittas treis fuormas principalas della poesia, ma la pli gronda impurtonza ha sia epica. En quei gener ei Muoth in artist cun tuttas enconoschientschas fundamentalas de siu art e cun ils duns de dir e cantar. che mo in Diu sa dar. Nella secunda part ei gia fatg menziun de sias poesias producidas a München. Pli tard ha el sco historicher s'occupau pli intensivamein cun l'epica, pertgei la historia e sia scrutazitiii porschevan la materia particularmein qualilicada per quella fuorma della poesia. umens clie van cul pievel, che ein portai dallas ideas dellas massas e representan lur spirt. Dasperas entupava el en la historia tals, che s'isoleschan e marschan encunter l'atgna naziun, quei ei lu personavels pella fuorma dramatica cun ses conllicts. Muoth enconoscheva bein las difficultats. ch'il drania porscha al poet. ina da temps en temps ha el buca resisliu alla tentaziun de representar tals individuums en il drama, p. e. il tiran Victor en in drama „S. PJaci". Quellas ovras ein restadas fragmentaricas. Nus savein dentont observar en (|uellas, co il poet capiva d'eleger sia materia. ed èra sia viarva e la dicziun correspundan allas pretensiuns esteticas. Denter ses manuscrits sesanllaii aunc in drama „Caspar Boelin, il marter della libertat", che tractescha ina episoda della historia mesolcinesa, e milsanavont intf farsa concernent las conferenzas pe.r l'ortogralia romontscha. Eu sia epica ei il contegn recavaus quasi exclusivamein dalla historia della Surselva ed ultra de quei ein la fuorma en general e la viarva d'in spirt ed origin romontsch: Tiu cor, tiu spert ein umbrivai Dal vierv romontseh e vegnan mai A concepir in auter senn. Ils emprims onns suenter esser arrivaus a Cuera, ha Muoth scrit ina novella originala „Pregiudecis", ed ina novella imitada. intitulada „Marionna", comparidas nel „Patriot". El pretenda. - 25 — che romans e novellas seigien e restien adina mo ina pli sviluppada spezia dellas veglias praulas. Quellas ein cert ina' part essenziala de nossa litteratura populara e resunan nels cors dil pievel. II terren per la novella era pia cheu, e Muoth ha capiu de vivilicar (|uella fuorma. El domonda dentont pauc dalla novella, ina sauna e consoleivla doctrina, ma el presta aunc da pli. Sia novella corrispun'da èra allas pretensiuns esteticas. ella ei in specul della vita luimana. ponderescha buca il svilupp dil caracter, mo muossa quel en ina situaziun critica, nel combatt tlenter vertit e pregiudicis, ina forza obscura. fenomenala. Paregliont sia novella cun talas. ch'el ha sez preziau, stovein ntis aunc menzionar, che il disegn della vita reala. clie ei ina part essenziala en questa fuorma de poesia, seigi cheu reussius stupent. Quellas persunas, quels mats e mattauns e magnats. che se carsinan e se catinan, quellas vertits ed èra nauschadats ein, sche buca nativas, bein tgunsch d'anflar en la vita de nossa naziun. II maletg della Stina ei destinguidamein retissius. Las autras persunas ein èra caracterisadas schi excellent. che ins sa bunamein buca quala preferir. Cun resoluta detschartadat passa la raquintaziun u l'acziun vinavont. II lungatg ei en quella ovra sco en l'autra prosa de Muoth veramein classics. Sias coiistrucziuiis ein simplas, bellas, currentas: ellas expriman il pli savens in simpel ma complein e stirtut in clar pertratg. II lectur anlla cheti nuotta quei embrugl de construcziuns sttbordinadas, che stridan il franc pertratg e statmclentan el en sia lectura. La viarva ei detscharta. clara. rocla sco las auas de nossas valladas spundivas. Igi ei de deplorar. che Muoth lia buca continuau a concepir sias novellas. La prosa roniontscba havess giu basegns dell' influenza de quella plima classica. II lungatg romontscli haveva occupau nies poet gia a München. Sut l'inttuenza de ses professers e per part ord atgna iniziativa ha el lu entschiet a collectar plaids ed expressiuns romontschas, pauc usitadas. ni meins enconoschentas. Pli tard ha el a Cuera contiiiuau quellas collecziuns cun gronda premura. Ord il ravugl dil lungatg vernachel ha el ascliia recalgiau biaras expressiuns necessarias per novas caussas ed ideas. El preziava. sco el di en sia recensiun dil vocabulari romontsch de P. Carigiet, gest las scrottas plebei'cas, q. v. d. las expressiuns vulgaras de nies pievel. Quels studis dovevan survir ad in idioticon. che era lu gia projectaus dals promoturs dil romontsch. nia nel medem temps survivan las collecziuns al ]ioet per enrihir sia viarva poetica. / — 26 — Quei sa gia esser stau il cass per „las Spatlunzas". menzionadas pli bauld. La fuorma ritmica ei cheu imitada, ma nus preferin en certs graus quei idil als products semiglionts de Voss. Cheu ei vita, moviment, in luvrar e barhar: igl um vegl ei buca la persuna principala sco tierVoss, ma bein quellas„babellasamablas", clie spatlan sut 'gl imperi della vieua Cecilia. Las persunas ein buca pridas ord la societat pli cultivada u instruida e transportadas ora silla terra, ellas ein representants della simpla vita piirilai, de relaziuns naivas, intactas dalla cultura moderna, da ses rampins e sias finezias, ma dasperas spir vita reala, gleut che trafica e selegra sco usitau. Muoth haveva ina speziala predilecziun per vegiias isonzas ed in dun aparti d'observar e reproducir l'ohna de nos purs. Plidont dellas relaziuns simplas de nossa puraglia, s'approfondiva el spezialmein èra nel patertgar de sias persunas ed accentuava la vita interna de nies pievel. Quei ei en in grau èra pli tard aunc daventau nel „Gioder", che Muoth numna ina cantada. En siu Itingatg ei de remarcar in grond progress dallas „Spatlunzas" tier quei niev product. Sia viarva sa ins paregliar ad in ual, che se mova ussa atras la vasta vallada e che lia muort sia profunditat e sia forza ina cursa ruasseivla, mafranca; ella para gleiti puspei in flum, che rocla tunont e ramplunont, ma senza observar impediments, sur tut ora. Aschia quorra la favella de Muoth en assonanzas ed alliteraziuns: .,Gioder posseda magliacs e mantuns. capitals e cultira" ed alla fin dil poèm: „Jeu vi dunn ed affonts, che bragian sil crest della fossa. Qtiei ei la dretga rugada sil di della gronda levada". Sia viarva embelleschan semeglias e maletgs, epitetons, personilicaziuns, savens èra asindetons, che produceschan l'impressiu« d'ina gronda energia, furtina e rihezia, e puspei polisindetons, che caracteriseschan l'eminenta forza ed èra il moviment de sia viarva. Tuts ils miezs, che surveschan al poet per producir ina viva illusiun. culan atras sia plima. El ha pli tard sez indicau la forza dil lungatg romontsch: Quel tuna ferm e suna clar E quorra senza balbegiar. Quels gronds progress, che Muoth haveva fatg nel dequors dils onns en siu lungatg matern ed èra en siu stil, san ins attribuir a ses studis linguistics. 1877 e 1879 para el d'esser entraus en — 27 — relaziuns cun ils romanists Böhmer e Gartner, che deniussavan in spezial iuteress per nies lungatg matern. Muoth ha se dedicau cun fervur als studis della litteratura e dil lungatg romontsch. El ei staus dapi ils emprims onns. ch'el ha viviu a Cuera, commember della. „Societat Reto-romontscha". Per quella ha el demussau gronda premura e da l'autra vart ha quella da.temps en temps dau in niev inipuls al poet e filolog. 1875 ha el teniu in referat, ch'ei 1880 vegnius publicaus en versiun tudestga da Alexander Balletta: Über Ursprung und Verbreitung der rhàto-romanischen Litteratur. 1886 ei la societat se reorganisada. Muoth ei staus il principai autur ed il redactur della nova constituziun, sin la quala la societat basescha aunc de present. Ils versichels pil scheiver romontsch a Cuera datan perdetga de siu humor, che cungiva quels festins. Nellas „Annalas", igl organ della societat, ha el publicau diversas lavurs de gronda impurtonza per nossa viarva, litteratura e historia, p. e. ses studis etimologics, sia historia grischuna dil novissim temps ed ultra de quellas ed autras scrutaziuns stupents necrologs sur Alexander Balletta, professor G. Ant. Biihler e dus auturs sursilvans, Gion Antoni Tuor ed Alphons Tuor. Quellas lavurs ein in bien exempel dell' objectivitat dil publicist. Igl onn 1888 ein sias normas ortograficas comparidas, ina lavur fundamentala per nies idiom e nel medem temps per nossa ortograüa, che ha cheutras il renomê de basar sin la scienza linguistica. 1890 ha el publicau sia grammatica romontscha-tudestga. Tras'quels ed auters products ha el tschentau il romontsch sin ferm stiloin, svegliau il ver interess per nies lungatg denter ils Romontschs ed ils jasters e contribuiu grondamein per la prosperaziun, òra de nossa litteratura. 1893 animescha el lu ils Romontschs de s'occupar cun la redacziun d'in idioticon romontsch ed el explichescha en treis referats, teni en la „Societat Reto-romontscha", co quella ovra sappi vegnii scaffida. Gia 1882 era siu „Eberhard", in cudisch de lectura, comparius. En quest temps haveva el translatau per quei diever ina groud diember de poesias tudestgas. Quellas versiuns ein reussidas ad el schi favoreivlamein, ch'ils Romontschs se creian d'haver obteniu ovras originalas: il spirt, l'acziun e la viarva ein en quellas dapertut d'origin romontsch. mo il motiv emprestaus. Muoth drnninav.a il lungatg romontsch cim ina virtuusadat, che survarga tuts exempels en nossa litteratura. Sias traducziuns supereschan savens ils originals, ch'el ha translatuu. En igl „Eberhard" ein cun quella caschun èra comparidas entginas poesias originalas e denter quellas la pli — 28 — bialla ballada, che nossa litteratura posseda: la dertgira nauscha a Vallendau. La ballada, puspei in favoreivel sulom per sia poesia! Sin quei terren s'encaglian lirica ed epica. II ritmiis, ils quors canzim, il sentiment expiiniius ein ina part lirica: epics ei il temps passau e l'acziun. la quala predominescha il sentir e rettectar, che viva en la litica: ma il contegn ei puspei soletamein in maletg, ina situaziun critica, sco en la novella. Quei ei in tema, che nies poet tractescha cun predilecziun — ei ussa forza puspei levada la queida tier igl epos? Cheu era il poet gia sin buna via! Quella ballada ra(|uinta la victoria della Ligia Grischa sur ils Signurs della Ligia nera, dal poet in cant de libertat a siu pievel. II Barun ha commess felonia visavi ils Grisclis: els peglian el. ed ussa passan las roschas entras la vall Versomet. L'introducziun ei grondiusa e quasi senza semeglia. tut ei aniniau e vivilicau. la vall, igl uaul, las auas afürmeschan la tgisa dils umens visavi igl um en lur miez, che marscha tribulaus. Stupent exprima quei ritmus jambic, seglient e stimulont, la furtina dil populaz. II lungatg ha 'gl artist guvernau, e la descripziun ei per part midada en moviment, en acziun: Ils posts s'enclinan, las travs s'emplunan, Las aissas tunan E gleiti stat il pallencau; Tut spetga mo sil condemnau. Lu intonescha il survient il pertratg de misericordia e perdun. e quel passa murmignont e gleiti tunont tras il pievel. Quellas massas, che marmugiian il pertratg movent, fan endament a nus il cor antic. e viers la lin explodeschan las masadas sco tschient tunadas e rispundan da plauns e spundas: „EI vivi ditg, el vivi bein Siu fallament nus perdunein!" II poet moralisescha èra beinduras en sias ovras. aschia en las fablas, e cheu alla fin: II pievel tegn siu plaid e crei, Pretenda plaid e fatg puspei. E ravvaloraziun historica dellas relaziuns feudalas tuna ord ils yers: In Segnuradi mo pauc garmadi. Empau dueivel e buntadeivel, Quel tegn adina, rumpa mai, E se recuvra mintga mai. — 29 — Pli tard entuorn ils onns 90 tuorna Muoth anavos tier siu tema preferiu, la vita purila. En sias „Mesiras" furnescha el in maletg realistic d'ina veglia isonza en nossas alps: quell' ovra ei puspei componida cun in ègl viv e franc, ch'ei avont se profonditis nel far e patertgar dils purs. L'ubertat nella dicziun haveva el demussau nel „Gioder": en quell' ovra poetica cumulescha el sco leu plaid sin plaid, ma puspei senza disturbar l'illusiun. En ses meglers dis, entuorn igl onn 1885, projectava Muotli de far il pass sur indicau, tier in' epopea. Quella doveva relatar ils principals evenements historics della Ligia Grischa. Ma el ha tralaschau de realisar totalmein quei plan. Ord quei temps datescha siu „Eremit Sogn Sigisbert": pli tard scriva el il ,,tiran Victor" e finalmein ,,il Cumin d'Ursera". L'emprima poesia ei comparida 1887. La viarva ei cheu riha, elevada, sublima, degna dil heros e de siu sogn uttici, il stil ei purificaus e nobilitaus. II poet dat ina descripziun pittoresca della terra, ed el muossa cheu sia clara intuiziun dellas relaziuns descrittas. Pareglia il lectur questa dicziuii cim quella digl „Gioder" (che ei persesez mo ina cantada., sche observa el in grond progress digl epicher. L'acziun, il moviment remplazzan la rellexiun e la desctipziun. S. Sigisbert cammina dal Quolm d'Ursera si e passa spert atras la vallada. Quella poesia ei la producziun di'n bien epicher, d'in ver artist. II tiran Victor renconoscheva Muoth per ina persuna adattada per tractar en la poesia dramatica, el ha dentont coniponiti ina ballada legendara, per part inttuenzada dal „cudisch de canzuns spiritualas". Ell' ei scritta en quors de canzun. II lectur senta la facilitat cun la quala il poet maiiipulescha cun las rinias ed il ritmtis. Quei va sco de far termagl. La viarva ei loscha e |)0inpusa, accomodada alla materia. Nies princi-poet antta adina il dretg tun. Sia capacitat linguistica e sia forza intuitiva e creativa se mussan lu èra en il ..Cumin d'Ursera", sia pli impurtonta poesia. Quei epos resda dil combat denter la claustra de Mustêr ed ils umeiis de Vall d'Ursera e finescha cun ina solenma ovaziun al lungatg matern. Sco en ils principals epos classics metta il poet massadas en moviment, ed il heros. susceptibels per las ideas dil pievel, marscha sez sco hir representant enamiez las roschas. Era cheu se mova la naziun, ed il pertratg nazional ha dau leutier 'gl impuls. II far e demenar dil populaz, sia tactica caracteristica descriva il poet èra cun buna caschun. Quei dovei dentont nuotta inuntar, che l'ovra seigi imitada. lls Romontschs possedan cheti in' epopea originala, classica e nazionala. La viva e sincera Iegria dil — 30 — poet gind il bi e bien. la forza e capacitat de siu pievel terh'scha sco in bi solegl matutin ord quei himnus nazional. In fugus sentiment patriotic s'exprima medemamein en sia lirica. Qtiella ha bein savens èra in caracter epic, ma cura ch'il poet ei ttists e combrigiaus, lu tunan ils versichels e quors sensitivs, ponderonts, e sveglian nel lectur in sentiment paregl a quel. che dominava il poet sez. Sias canzuns han en general biars e bials motivs, derivonts ord la historia, ord l'amur per la patria, per nossa viarva materna: per part provcgnan els èra dalla vita humana en general; ma derar ei d'anllar en sia poesia originala la tendenza simbolica. Beinduras respira ord quels products ina bella cortesia ed in' aveina fetg humoristica, mintgatont èra ironica. Mtioth ha èra sco liricher il pli savens anllau la fuorma adattada al contegn, alla materia. Ina part de sia lirica ha el scafliu sin giavisch de nos cantadurs romontschs, in' autra ord atgna iniziativa. Sin tuttas fiastas de cant han sias canzuns giu in grond success. Nel cumin d'Ursera ha el presentau in de ses cantadurs nella persuna dil Gion de Runs giu de Cartatscha. Viers la fin de sia vita expriman sias canzuns pli savens ijuei motiv, che ha adina pli ni meins commuentau nies poet, il mal per casa. Quei sentiment ha il lectur percurrent sia poesia „Gieri da Frundsberg" e. a. Muoth se sentiva ils davos onns persuls e bandunaus. El fa il poet per forza p. e. en la cantada per la fiasta a Mustêr 1899. Gia suenter la mort de sia mumma se lamenta el sur ses versicheis, ed ina gada scriva el: La stimada compagm'a Vegn a temps aunc avisada Che jeu porti poesia Tuttavia tartognada: Miu pegasus ha piars las plemas E mes versichels rut la remas. Dentont sesanllan èra denter sias davosas ovras bein enqual bellissima ttur poetica. Dont in'cgliada retrospectiva sin ils dis de sia vita sco professer a Cuera, paran quels monotons, ma tgi che survesa las prestaziuns de Muoth, sto dir ch'ei seigi stau in continuau operar u luvrar per la scienza e per siu pievel romontsch. Gronds evenements exteriurs ha il biograf cheu buca de relatar ord quels 33 onns, che Muoth ha viviu a Cuera. El frequentava bugent las redunonzas popularas, sco dis de cumin: el visitava las festas e perdunonzas, nua ch'il pievel se radunava. El era ge il poet festiv de nos Romontschs ed in — 31 — caracteristic representant de sia naziun. la quala honorava e carezava siu pli grond promotur. Sin las festas de cant e gimnastica ha il pievel diversas gadas celebrau il triumf de sia viarva, applaudent sias canzuns e ses plaids festivs. Havent Muotli operau 25 onns sco professer en la scola cantonala ha quei institut cun amitgs ed enconoschents, sco usitau èra celebrau (1898) siu jubileum. Muoth sesanflava lu relativamein atinc en buna sanadat e bien humor. Quei onn leu ha P. M. Carnot eti ina lavur ,,Aus dem Lande der Râtoromanen" dau entginas versiuns della poesia de Muoth e mussau als Tudestgs, clie nus possedeien in poet de gronda impurtonza. Tochen 1905 ha professer Muoth aunc instruiu la histoiia en la scola cantonala, ma dapi 1902 s'occupava el cun l'elaboraziun della histotia grischuna e perquei era el buca pli instructer dil rombntsch e dils lungatgs classics. Gia 1903 anttein nus el malsauns nel spital: sia ferma natira surventscha quella gada il mal, e la stad passa el sias vacanzas a Breil. A casa ha el se restabiliu etl igl onn suondont conta nies poet cun novas forzas ed ei de buna liuia. La primavera 1905 se senta el puspei mal malsauns, el vul ira tiel bogn d'Alvagni, desista dentont da quei project e fa lu aunc inagada ina buna cura a S. Gagl. Cheu scriva el la biogralia dils Tuors bab e figl, e returnont nel Grischun spera el de saver continuar ctin tutta forza sia lavur. Aunc inagada dedesta el sia viarva poetica. el scriva „Ia lavina de Gravèras", ina canzun, che la ..Ligia Grischa" conta silla liasta federala de cant a Ttiritg, ma la primavera 1906 tuorna la nauscha malsogna, senza bandunar pli el. Igl matg voleva el aunc ir a Sarnen tier la redunonza della -Gesellschaft für schweizerische Volkskunde", della quala el era raeniher dil comitc. Ma gleiti ei per el stau negina speronza pli; el ha endirau sco in Roman spir resignaziun, e la damaun dils 6 de Fenadur ha la nova de sia mort empleniu ils cors de tuts quels, ch'enconoschevan el, cun profunda tristezia. In imposant conduct de bara ha accompognau nies princi-poet tier la fossa en il santeri catholic a Cuera. En plaids e canzuns han ses amitgs ed enconoschents, principalinein ils Romontschs, deniussau lur gronda malencurada per Muoth ed il pievel ed ils umens de scienza vegnan a conservar cun gronda pietat sia memoria. Fl. Camathias, in poet romontsch dil temps present, ha dedicau al defunct la poesia suondonta:
- ↑ Quei reterat onsemen cun plirs auters buca publicai, per ex. in sur Ja historia della vischnaunca de Flem ed il segneradi de Belmont, sesantlavan en- «omen cun de tutta sort notizias, spezialmein concernent la Sui-selva, e bia material per in cudisch d'instrucziun civica, denter ils manuscrits privats tudeste-s dil defuni't.